De veer Kerzen

vun Walter Meß


Wi freit uns all, dat warrt nu wohr,
de schön' Adventstiet is nu dor,
een Kerz, de warrt wi nu ansteken,
för uns tosam, as Fredens-Teken!

De twete Kerz, ji leven Lüüd,
ik seggt jo nu, wat de bedüüdt.
Se schall uns geven frischen Moot,
dat deit uns alltosam ganz goot!

De drütte Kerz, de gifft uns Höpen,
de Tokunft wüllt wi mit ehr gröten,
dat allns mit uns so wiedergeiht
un wi to Wiehnachten uns freit!

De veerte Kerz, dat warrt uns klor,
för Gottes Segen is se dor,
dat nu in düsse hillig Tiet
uns Harten warrt nu weller wiet!

So wünsch ik jo in Stadt un Land
bi uns hier an de Waterkant
Gesundheit, Glück un langet Leben —
dat allns tosam mit Gott sien Segen!


Bild: Ludgerd Lüske


26.11.2014


na baven