Mien' Jung to'n achteihnten Boortsdag

vun Gertrud Everding


Du weerst so'n seute Zuckersnuut,
So'n lütte Leckertähn,
Nu büst du groot, geihst ut'n Huus
Un willst de Welt besehn.

Un ik, ik kiek di achterran
Du makst so grote Schreed,
As ik se goor nich maken kann.
Ik kumm do nich mehr mit.

Muttst nu alleen dien Wegen gahn,
Ik wünsch di so veel Glück,
Bliev winken hier an't Finster stahn.
Kiek bloots nich mehr torück!

Na vörn richt du dien Ogen nu.
Dien Weg liggt in de Sünn!
Un dor, de düster Wulkenwand —
Du warrst se överwinn'n.


17.5.2020


na baven