To Opas 75. Geburtsdag

vun Gertrud Everding


Grootvadder hett Geburtsdag hüüt,
Is fievunsöbentig Johr olt worrn.
An'n Disch, dor sitten veele Lüüd
Un spitzen as de Müüs de Ohrn.

Wat Grootvadder allns jüm vertellt,
Wat he woll weet, dat is so veel.
Ik gläuv, he kennt de halve Welt,
Is'n klooken Mann, 'ne gode Seel.

Un scharpe Oogen hett he ok,
He jaagt op Voss un Haas un Reh,
Un wat he sünst noch deiht, is 'noog
För'n Sommer, Harvst un ok in'n Snee.

Wi wüllt jem all nu grateleern
Un Dank em seggen in't Gesicht.
Ik sülvst, ik segg di dat so geern:
'n betern Opa gifft dat nich.



na baven