Dannenboom, o Dannenboom

Volkswies ut "Uns Lederbook" vun H. Klüssendorff,
Plattdüütsch: Wilhelm Bade

Dannenboom, o Dannenboom,
wo tru sünd diene Bläder!
Du gröönst nich blot, wenn gröön de Klee.
Du gröönst ok twischen Ies un Snee.
O Dannenboom, o Dannenboom,
wo tru sünd diene Bläder!

Dannenboom, o Dannenboom,
ik mag so geern di lieden.
As ik noch weer 'ne lütte Krööt
un vun di plückte güllen Nööt:
O Dannenboom, o Dannenboom,
wat weern dat schöne Tiden!

Dannenboom, o Dannenboom,
deist mi dat Hart verjüngen.
Steihst du vör mi so blank un blied,
denn denk ik an mien Kinnertiet.
O Dannenboom, o Dannenboom,
deist mi dat Hart verjüngen.

Dannenboom, o Dannenboom,
wat willst du uns hüüt lehren?
As diene Bläder — jümmer gröön —
sall jedereen gedeihn un blöhn.
O Dannenboom, o Dannenboom,
dat willst du uns hüüt lehren.