Koppheister-Walzer

vun Cord Denker


Wenn dat Johr (man knapp eerst dor)
noch ganz gröön is achter't Ohr,
un du dor noch nix vun hest,
denkt de Welt al an een Fest.
Un so fangt de Fasching an,
as een Strormwind kümmt he ran
un he bruust dör düsse Tied,
mookt de Minschen de Harten wied:

De Freid is dor, koppheistert üm uns to,
mookt uns froh, kennt keen Roh.
Un Walzerklang sitt deep in jedeen Ohr,
verwannelt den Alldag mit
Schwung un mit veel Humor.

Un nu süh, de lütte Dwarg
putz sick rut un geiht as Barg.
Un een Peerd löppt ut den Stall,
kümmt as Muus hier op den Ball.
Alle Welt speelt so verrückt;
is nich een, de richtig tickt:
Jedeen Speel löppt ganz verdreiht,
wenn de Schiedsrichter dreemol fleit:

De Freid is dor, koppheistert üm uns to,
mookt uns froh, kennt keen Roh.
Un Walzerklang sitt deep in jedeen Ohr,
verwannelt den Alldag mit
Schwung un mit veel Humor.

Moond un Steerns, dat ganze All,
mookt sick kloor för düssen Fall.
Gott un Welt danzt Arm in Arm,
un uns ward de Harten warm.
As een Schipp is düsse Eer,
geiht nu schunkeln hooch tokehr,
dat uns meist de Puust vergeiht,
mit Gesang un mit Hööglichkeit:

De Freid is dor, koppheistert üm uns to,
mookt uns froh, kennt keen Roh.
Un Walzerklang sitt deep in jedeen Ohr,
verwannelt den Alldag mit
Schwung un mit veel Humor.

Melodie: Schneewalzer


24.2.2009


na baven