Mudderdag

vun Walter Meß


An Sünndag hebbt wi Mudderdag,
un jeedeen sik wull freien mag.
An Mudder schulln wi hüüt mal denken
un ehr en Bloomenstrüüßen schenken!

Se hett so veel doch för uns daan,
dat schull uns doch mal beter gahn,
se nehm uns gliek denn uk in Arm,
wenn wi mal weller Sorgen harrn!

Sach strakel se mi övert Hoor,
un tröst mi denn, dat weer doch klor!
Ehr Leev, de warr ik ni vergeten,
dat schulln ji alltosam hüüt weten!

Ik denk so geern an ehr torüüch,
as weer't en grote Seelenbrüüch!
Se hett mi uk dat Beden lehrt,
und dat weer seker nich verkehrt!

So warr ik hüüt an Mudder denken
un ehr een groten Strüüßen schenken.
Ik will ehr danken, leeve Lüüd!
Dat weern so mien Gedanken hüüt.


11.5.2014


na baven