Prost Neejohr

Nich bloots för Fehmaraner, vun Walter Meß


Dat geev je Lüüd, de meen dat all,
dat gifft dütt Johr en groten Knall,
un dat de Welt denn ünnergeiht,
in Schutt un Asch allns liggen deit!

Na, Gott sei Dank, dat wörr nich wohr,
nu gifft dat doch en nieget Johr.
"Prost Neejohr" roop ik jo nu to,
blievt jümmers munter un uk froh!

Ik wünsch jo Glück, Tofredenheit,
dat allns mit uns goot wiedergeiht,
uk wünsch ik jo veel Toversicht,
dat stünn uns goot doch to Gesicht!

Gesundheit all un Gottes Segen —
dat wünsch ik uk op all jo Wegen,
un veel mehr Freden op uns Eer,
ik wüss nich wat noch beter weer!

Klock Twölf nehmt man jo Glas to Hand,
stött an op uns schön Fehmarnland,
stött an uk op dat niege Johr,
dat vele Wünsche ward denn wohr!

Prost Neejohr!


31.12.2012


na baven