Wenn lang dei Nacht un kort dei Dach
Un dei Minsch dei Küll nich mach,
Ward hei bald mit sein fief Sinnen
Allerlei tau Wihnacht finnen.

Hei süht in Finster hen un wenn
All den Stiern von Bethlehem;
Bünzelt tau 'nen Lichterbågen,
Lücht dei hell an düster Dågen.

Ok schwäwen Rükels inne Luft
Von ganz frischen Dannenduft,
Dei uns dörch dei Näs vertellen,
Sik up Wihnacht intaustellen.

Un dat duert nich mihr lang,
Dat man hürt den Glockenklang,
Dei uns Minschen will verkünnen,
Wi süll'n up Ierden Fräden finnen.

Päperkauken, o wie wohr
Lickmünnen so as alle Johr,
Nå lütte Kauken, dei gaut schmecken,
Deit 'n sik dei Fingern lecken.

Dei Minsch fäuhlt inne Hillig Nacht,
Dat Wihnacht hett 'n Wihnachtsmacht,
Dat ein Engel deit verkünnen,
Dat Minschen taueinanner finnen.