H
Uursprünglich meen dat Woort bloots Lü, de veel an'n Computer seten un jümmers op de Tastatuur rümmer"hacken". Meddewiel hett dat avers 'n negativen Klang kregen: Hackers sünd Lü, de in anner Lü ehr Computers intobreken versöökt, de sik över't Internet heemlich Togang to frömde Systeme verschafft; faken warrt dat ok op Lü anwennt, de Viren un Trojaners programmeert. Mennig Hackers sülven mucht düssen negativen Klang avers gor nich geern höörn, denn dat gifft ok anstännige Hackers, un de gaht mit ehr Kenntnisse verantwoordungsvull üm un maakt keen Schaden nich.
"Hacken" warrt ok as Verb bruukt: De Satz "Unser System ist gehackt worden!" bedüüd, en Hacker is in uns Computer orr Nettwark (t.B. in en Firma) inbraken un hett dor unrechtmäßig Daten ankeken orr manipuleert. — Hackers, de solk illegale Saken maakt, warrt ok Crackers nöömt, ehr vun de anstännigen Hackers to ünnerscheden. Solk Crackers versöökt natüürlich jümmers anonym to blieven.
Ingelsch "in de Hand hollen". Heel lütte Computers, de as'n Mobiltelefon in de Hand hollen warrn köönt. Kannst man wenig Saken mit maken.
Utdruck op Papeer. Meent mehrst en utdruckte Datei, kann avers ok en utdrucktes Bild vun en Programmfenster orr vun'n Desktop bedüden (süh Screenshot).
Dat ingelsche Woort för de Fastplatt.
Allens dat an'n Computer, wat Se anfaten köönt — de Reedschapen un Buudelen. Dat annere is Software.
Ingelsch "Aarner". En Programm, dat sik langs de Links dör dat WWW hangelt un dor op alle Websieden Emailadressen söökt — de also de Sieden "afaarnt". De Emailadressen warrt later för Spam verwennt.
En lütte Reedschap, de dat Online-Banking sekerer maken schall: En Koorten-Lees-Reedschap, de an den PC anslaten warrt. Dor schuuvt Se denn bi't Online-Banking en Chipkoort in, dör de Se sik identifizeert. Denn bruukt Se keen TAN mehr; man wat dat nu so veel sekerer is as TANs, is nich rut.
Afkörten för "High Density", hoge Dichte. Dat betekent de Datendichte op en Datendreger.
- Disketten: de hüüt noch begängschen Disketten sünd alle HD-Disketten un faat 1,44 Mb. (De ole Standard weer DD.)
- DVDs: HD-DVD warrt en niege Standard för hoge Datendichte op DVDs ween (Stand Sommer 2005). Se schallt bet 30 GB faten.
Afkörten för "Hard Disk Drive". Dat meent de Fastplatt.
Datsülvige as downloaden.
De Einheit för Frequenz, also för Häufigkeit. Afkört warrt't Hz. 1 Hz = 1/sec, dat heet: De Frequenz 1 Hertz bedüüd, de Vörgang passeert een Mal per Sekunn (t.B. Pulsslag). Passeert dat ca. 1000 Mal per Sekunn, denn heet dat Kilohertz (t.B. Radio-Langwellen). Millioonen Hertz heet Megahertz.
De Einheit is na den Hamborger Physiker Heinrich Hertz so nöömt, na den ok de Fernsehtoorn in Hamborg heet. He weer sachs ok en plattdüütschen Jung.
Angaav för de Farvdeepde. Is de Farvdeepde HighColor, denn warrt för dat Codeern vun Klöören 32 Bit reserveert. Dor binn köönt ca. 4 Milliarden Klöören codeert warrn.
En "Virus", de gor keen is — en Falschmellung, de Se vörsnackt, gefährliche niege Viren weern ünnerwegens, un Se schulln düsse Warnung an alle wiedermailen. Ignoreert Se dat. Besünners gefährlich sünd Hoaxes, de Se opfeddert, een bestimmte Datei op SeEhrn PC to söken un to löschen, wieldat de vun'n Virus keem. Doot Se dat nich! Mehrst is dat Tüünkraam, un Se löscht denn nüttliche oder nootwennige Datein.
Süh na bi booten.
Dat Papeerformat, 'neem de köttere Siet baven is. Warrt normal för Texte (Böker, Breven usw.) brukt.
Dat Gegendeel vun downloaden. En Transfer, bi den Se wat op en Server schrifft, de in't Internet steiht. De Zweck is denn mehrst, dat alle Lü dat in't Internet sehn köönt, t.B. en Homepage.
En Familie vun Websieden, de inhaltlich tosaamhöört un ok merrnanner dör Hyperlinks verknüppt sünd. En Homepage hett babento een eenzigen Besitter, de ok de Verantwoorden hett, un liggt op en Server in't Internet. Elk Homepage kann dör ehr egen Adress (süh ok URL) mit'n Browser anstüürt warrn.
En Technik för LANs, bi de de Daten twüschen de Computers dör dat Stroomnetz överdregen warrt. Dormit kann een ok heel licht sülven en lütt LAN opbuun, t.B. in en Firma orr in de Familie.
En Egenschap vun Röhren-Bildschirmen: De Horizontaalfrequenz gifft an, wa faken per Sekunde de Elektronenstrahl, de dat Bild maakt, vun links na rechts över'n Billschirm suust. Groff spraken: Je fakener dat is, je beter warrt dat Bild.
Ingelsch för "Gastgever". En besünners knövigen Computer in en Nettwark, de för annere, faken wat swackere Rekner Spiekerplatz orrer annere Deensten levert. Süh ok bi Server.
Dat Lagern vun Datein op en Host in't Internet, dat se jümmers in't Internet togänglich sünd. T.B. mutt een mehrst en private Websiet bi en Provider "hosten", de den Serverplatz för en beten Geld praat stellt.
- Shared hosting: Stückerwat Kunnen deelt sik en Server. Dat is billiger, hett avers en Nadeel: Wenn bi stückerwat Kunnen togliek veel Traffic is, denn geiht de Datenöverdragungs-Geswinnigkeit för alle in de Knee.
- Dedicated hosting: Een Kunn hett en Server för sik alleen. Is dürer, avers de Surfer op de Homepage vun düssen Kunnen hebbt den Server för sik, un dor is sachs jümmers noog Bandbreed, dat dat orrig fluppt mit dat Datenöverdregen.
Ingelsch "hitte Taste". Dat meent datsülvige as Shortcut.
Bedüüd op Ingelsch HyperText Markup Language. Dat's en Programmeerspraak, 'neem de mehrsten Internetsieden in verfaat sünd. Düsse ok. Man vun den HTML-Befehlscode seht Se nix; dat warrt as smucke Websiet darstellt. Dat maakt de Browser: He nimmt de HTML-Befehle un maakt dor en Websiet ut. Den HTML-Code vun düsse Websiet köönt Se sik avers ankieken, wenn Se in Ehrn Browser den Befehl Ansicht | Quelltext (Microsoft Internet Explorer) orr Ansicht | Seitenquelltext anzeigen (Firefox) wählt. De twee Biller hier wiest, woans dat geiht. Wat Se denn seht, sünd de Befehle, de den Frameset för düsse Sieden opbuut. Normaalerwies seht Se bloots dat Ergeevnis, un dat is ok good so, nich?
Afkörten för HyperText Transfer Protokoll. Dat is dat Protokoll, mit dat Websieden övermiddelt warrt. Dorüm steiht ok vör de Webadress jümmers http:// dorvör.
Protokoll för dat Överdragen vun sekerheits-empfindliche Daten, t.B. bi't Online-Banking orr -Shopping. Dat "s" achter "http" steiht för "seker". De Daten warrt in düssen Tostand verslötelt överdragen. Wenn vun dat http-Protokoll op https ümschalt warrt, kriggt Se normalerwies en Sekerheitsmellung so as in dat Bild hier. (De Mellung kann ok utschalt ween.) Dorna steiht https:// vör de Adress. — Süh ok bi SSL.
Bit't Online-Banking: Ahn Sekerheit geiht hier nix!En lütt Reedschap, de veele Anslüss togliek merrnanner verbinnen kann. In Nettwarken köönt de Rechner staats merrnanner ok över'n Hub verknüppt warrn; de Hub leit de Daten an alle Anslüss in't Nettwark wieder. För'n USB-Ansluss kann een Hubs köpen, de för stückerwat mehr Reedschapen Platz beed un jüm op den USB-Ansluss vun'n PC wiederleit. Süh ok bi Switch.
Hyperlink
Heet kort Link.
Süh na bi Hertz.
