J
En moderne, objektorienteerte Programmeerspraak, de vun de Firma Sun erfunnen woor.
En Script-Spraak, de vun'n Browser leest un befolgt warrt (wenn he dat kann). JavaScripten köönt in Websieden inbuut warrn un so lustige Effekte tostann bringen. Klickt Se t.B. mal op dat Fenster-Bild, wenn Se en lüttes JavaScript in Akschoon sehn wüllt!
En Ingaav-Reedschap, de een sünnerlich för Computerspeele, Flugsimulatoorn usw. bruukt: En Knüppel mit poor Knööp, dat Ganze warrt an'n PC anslaten. Dör dat Bewegen vun den Knüppel kannst den PC verklaarn, wat dat nu na vörn, na achtern, na baven orr na nerrn ganh schall.
Afkörten för Joint Photographic Experts Group. En Dateiformat för Grafikdatein. Mit düt Format kann een de mehrsten normalen Biller ut'n Alldag good weddergeven, ahn dat dat en to grote Datei warrt. JPG kann vele Farven un unregelmäßige Kontuurn weddergeven. Dorüm warrt Biller in Digicams (digitale Fotokameras) jümmers as JPG afspiekert. Ok in't WWW is JPG dorüm en wied begängsches Grafikformaat.
Wenn en Bild in't jpg-Formaat afspiekert warrt, warrt dorbi avers ok Bildinformaschoon wegsmeten. JPG komprimeert dat Bild nämli nich verlustfrie. Wa veel verlaren geiht, dat kann een bi't Konverteern op'n PC mehrst sülven bestimmen. Je höger de "Qualität", je grötter de Datei. — JPG kann best Biller in Graustopen orr in TrueColor weddergeven. (An Kontuurengrenzen warrt blangbi mehrst keen Klöören mehr wiest, manbloots noch Helligkeitsünnerscheden. Dat warrt nämli dat minschliche Oog nich wies, un JPG spaart so an de Dateigrött.) Man Transparenz kann JPG nich, dor is GIF för tostännig.
En lierlütte Steckbrügg, mit de Se twee Pins verbinnen köönt. Dat kümmt bi't Basteln an Hardware faken vör. Dormit köönt Se t.B. an Fastplatten instelln, wat de de Baas an'n IDE-Port sünd orr nich; op Grafikkoorten köönt Interrupts mit instellt warrn usw.
En anner Woort för Spam.
