XY

X-Box

En speziellen Speel-Computer, den de Firma Microsoft 2001 op'n Markt bröcht hett. As Billschirm kann dat ok an'n Fernseher anslaten warrn. Döögt för wenig annere Anwennungen, mehrst to'n Spelen, dor avers denn richtig.

XML

Afkörten för eXtensible Markup Language, en Programmeerspraak, de eng mit HTML verwandt is. Se kann avers mehr; mit HTML kannst bloots eenfach gestaltete Dokmente erstelln un över't Internet publik maken, mit XML kannst veel mehr Formateerungen, Gestaltungen un ok annere Saken, t.B. Datenbank-Inbindung, över't Internet praatstelln.

xn-Domain

Süh bi Extended Domain.

XP

Naam vun en Generaschoon vun Microsoft-Software: Dat Bedreevssystem Windows XP un dat Office-Paket Office XP. Bi Bedreevssysteme is Windows XP nu (Harvst 2005) noch dat niegste, eerst neegst Johr schall en niege Verschoon kamen. Bi dat Office-Paket is Microsoft Office 2003 meddewiel dat frischeste.

X-Window

En grafische Benütteröverflach för Unix-Bedreevssystemen.