Tranen up dat vun Asch versmeerte Gesicht


De Lübecker Dom brennt. Bild: Bundsarchiv


Flüchtlinge 1945. Bild: Bundsarchiv Nr. 175-13223

Tranen up dat vun Asch versmeerte Gesicht —

Jümmer brennt de Welt noch.
För uns weern dat de Daag,
as Bomben allens to Asch makten,
ok Minschen.

Ne, Gott, du willst nich unsen Doot,
du willst nich Verdarven över uns kamen laten.
Du willst, dat wi ümkiehren to dat Leven,
dat leven will.

Liehr uns dat Iehrgeföhl för Leven!
Dat wi so uns Leven inrichten:
Du schallst den annern leiv hebben
as di sülven.

Wisch uns, Jesus, af de Asch un de Tranen,
wenn du nu so wiet för uns
in en Tiet geihst,
de di bloots Pien un Noot uplaadt.

Laat un still warden vör dat Hungerdauk.


Äthiopisches Hungerdauk. Bild: Maria Krüger/Wikimedia Commons

Laat Lengen un Wissheit in uns wassen!
Help uns, na dien Wöör to leven,
richt du uns Hart un Lengen
hen na den Dag, wo de Doot de Winner blifft!


Krüüz an de Oostsee, Bild: C.D. Friedrich

Schenk uns dörch dienen Doot un Operstahn
Kräfft un Leiv, Maut un Sekerheit!
Laat uns disse stille Tiet nu recht nütten,
dat wi an Ostern raupen köönt

Hosianna!
Laat uns wohrhaftig wiss sien,
dat du uns hüürst
in gaude un swore Tieden:

Hosianna!


Bild Rudi Witzke

Rudi Witzke
9.3.2011


na baven