Loot een Tokunft sehn
(Eer- un Seebebern, Japan, 12.3. 2011)

Text: Cord Denker
Melodie: Freunde, daß der Mandelzweig (EG 606)



De grote Well an'n Avend. Bild: Rudi Witzke. Klick op to'n Vergröttern!

Bebern Eer un springen Floot,
See ehr Prankenschlag,
bröch de Minschen Dodesnood
an een swatte Dag.

Wenn sick so de Afgrund wiest,
geiht dat Bangen üm:
Dood sien Macht, so blind un driest
un so vull vun Grimm...


Swatte Wulken. Bild: Rudi Witzke. Klick op to'n Vergröttern!

Öber Trümmer geiht de Wind,
ööwt ganz lies een Leed;
dat sick wedder Lewen findt,
dat is sien Gebeed.

Hannen sünd, de richten doot,
wat dor full un liggt.
Harten föhlt un wiest den Moot,
de dat Swore driggt.

Gott, wi twiefelt un wi kloogt,
wi köönt nich verstohn...
Höörst du uns noch, wenn wi froogt:
Wat bedüüd dien Doon?

Wohr dien Kinner vör Gefohr,
loot jem nich alleen!
Legg dien Segen op dat Johr!
Loot een Tokunft sehn!


Bild: Rudi Witzke


21.3.2011


na baven