Bugenhagen, maalt vun Lukas CranachBugenhagen

vun Karl-H. Sadewasser


Dat renomiert Üsdummer Musikfestival hett in't Johr 2008 mit siene berühmten Musiker un Orchester an den Pommersch Reformator Bugenhagen dacht. Un dat güng up en wunnerbor Wies vör sik:

In Heringsdörp güngen de Besöker an Bord vun en Schipp un schipperten dor mit bet na Misdroj up de — nu — polnisch Insel Wollin. Vun dor af güng dei Fohrt wieder över dei olle Bischofsstadt Kammin hen in de lütte Stadt Wollin.

Hier wier Johannes Bugenhagen eis tau Welt kamen. In de Nikolaikirch — dei wedder ganz nieg upbuut woorn is — is he döfft worrn. Un genau an dissen Ort geev dat nu in'n September en Konzert mit de H-moll-Messe vun Johann Sebastian Bach. Musiker ut Dänemark, Polen un Düütschland hebbt se uns vörspeelt un sungen, und Peter Schreier hett dirigiert.

Dat allens güng so goot af tau 'n Andenken vun Bugenhagen. Vör 450 Johr is he tau Graff bröcht worrn.

Bugenhagens Ünnerschrift

As Bugenhogen in Treptow, in't olle Hinnerpommern, Luther sien Schriften tau lesen kreeg, dor sall hei luut seggt hebben:
Dei ganze Welt sitt in'n Düüstern, blots Luther hett dat wohre Licht funnen.

Dat Licht, dat Martin Luther wedder nieg up den Lüüchter von dei Kirch stellt hett, is dat Wort von Jesus Christus. Hei nimmt di an, so as du büst. Hei is di bisiet, woans di dat wohl jümmers gahn mag. Ok in 'n Düüstern, wenn du nix mehr vun em markst, is Jesus Christus för di en Licht un en Hollfast.


Foto: Anke Nissen, digital bearbeitet: Ludgerd Lüske


15.2.2009


na baven