Passion 2012
Sönndag Estomihi


Klick up tau'n Vergröttern!

Wenn ik mit Menschken- un Engeltungen schnacken dö un har dei Leivde nich, so was ik woll ein klingen Erz of ein klingen Klöcksken.

Un wenn ik woahrseggen kunn un uk aale Geheimnisse un aal dat Wäten har un den heelen Gloven, so dat ik Barge ümmesetten kunn, un har dei Leivde nich, so was ik nix.

Un wenn ik aal mien Gaut dei Armen geef un lööt mien Liev verbrennen, un har dei Leivde nich, so geef mi dat kien'n Gewinn.

Dei Leivde hett Langmaut un is fründlik, dei Leivde ievert nich, dei Leivde driff kien'n Mautwillen, sei blaost sik nich up,

sei verhollt sik nich liederlik, sei söch nich sik sülvs, sei lett sik nich versuuren, sei räket dat Äövel nich tau,

sei frait sik nich äöver Unrechtdaun, sei frait sik äöver dei Woahrheit;

sei dräg aals, sei glöövt aals, sei haopet aals, sei duldet aals.

Dei Leivde hört nie nich up, wo doch dat Woahrseggen uphörn deit und dat Tungenräden uphörn deit un dei Künne uphörn deit.

Denn use Wäten ist Stückwark, un use Woahrseggen is Stückwark.

Wenn aover dei Vullkaomenheit kump, so werd dat Stückwark uphörn.

As ik ein Kind was, don schnackde ik as ein Kind un dachde as ein Kind un was klauk as ein Kind; as ik aover ein Mann wörd, läe ik af, wat kindlik was.

Wi seiht nu dör'n Speegel ein düstert Bild; denn aover van Angesicht au Angesicht. Nu nähm ik stückwiese woahr; denn aover wer ik woahrnähmen, so as ik woahrnaohmen bün.

Nu aover blievet Glove, Haopen, Leivde, disse drei; aover dei Leivde is dei üppste dorvan.

1. Kor. 13


Südollnborger Platt: Ludgerd Lüske
Bild: Ludgerd Lüske
19.2.2012


na baven