Wees fief Minuten still
26. August


Andacht vun Heinrich Giesen, in Platt bröcht vun Marlou Lessing

Laat sik nüms vun ju dat Teel verrücken!

Kolosser 2, 18

Ok dunntomalen geev dat al Lü, de in de christlichen Gemeenden rümmerlepen un in besünner Apenboorn besünner Wichtigkeiten vun't Glovensleven dikteern wulln. Liekso as hüüt, wenn een seggt: "Solang bi ju keen Wunner nich passeert, kannst ja gor nich seggen, wat juun Gloov echt is!" Dor kümmt dat nich op an! Dat kümmt op an, dat wi in de Gemeenschap mit Christuns leevt, 'neem he dat Hööfd is un wi mit veel anner Leden tosamen in de Liddmatenschap vun de Gemeen lebennig blievt.

Dor kümmt dat op an. Leevt wi in de Gemeen, hebbt wi Gemeenschap mit Gotts Kinner. Leevt wi vun dat Woort, dat ünner ehr seggt warrt, dennso leevt wi vun Christus sülvst. Wi schallt uns nich tüdelig maken laten vun Speziaalapenboorn. Dat is noch jümmers scheepgahn: Se landen afsiets vun de Gemeen un hebbt veel verratzt — sünner Frucht.

Du hillig Licht, du eddel Hort, laat uns lüchen dat Levenswoort,
lehr uns Gott recht kennen, dat wi em Vadder nöömt vun Hartensgrund.
O Herr, wohr uns vör frömde Lehr, dat wi keen Meesters söökt uns mehr
as Jesus Christ in rechten Gloov un em mit ganze Macht vertroot.

Na Martin Luther


29.8.2016


na baven