Passion 2014
Laetare


 

de welt brickt twei miteens. ik bün verbiestert.
de spleet, de is nu dor: jüst in mien hart.
wat schient dor dör? för wat bün ik bewahrt?
en stimm is dor, vertruut un lies; se swiestert:

"de welt is anners, grötter un vull sinn!"
ik weet noch nich, wat ik dat glööv; ik hör.
en freud kümmt op in mi. ik heff wat vör.
een töövt op mi. heel stüttig. ik gah hin.

 

 

du seggst, de op mi töven schall, is dood;
en folter-reedschap dat, wat em dor böört.
is dat de welt, de mi vun wied beröhrt?

ik weet nich. man dor is wat. dat is groot.
is dat dat krüüz? egaal, wat ik dat wünsch —
ik richt mi op mit em. — ik warr en minsch.

 


Biller: Rudi Witzke
Wöör: Marlou Lessing
30.3.2014


na baven