Maria Magdalena
To Oosterdag 2007

Histoorsches Bild

"Uns geiht an'n Kragen",
harrn se woll jammert
in Goorn Gethsemane,
wo de Herr alleen beedt.

Vun wieden en Blick wagen
up sien' Smartenweg
mit Krüüz un Dornenkroon
na Golgatha.

Een düster Wulkenwand
verdüstert den Dag,
de Eerd beverte, de Vörhang ritt,
se slöön em an't Krüüz.

Doch Petrus wiest dat trüüch:
Is nich, wat he nich seihn.
De annern stahn dor
as verschreckt Höhner.

Marias Bott geiht nu
wedder üm de Welt:
Jesus is upstahn
un dreggt uns Schuld.

"Dat willt wi all
froh sien,
Christ will uns Troost sien!
Halleluja!"