Is Pingsten

Wenn dat wo een Minschen gifft,
de di nümmt as du büst,
de nich den annern sien Denken stört,
de giern ok dien Meinen höört,
de höört to uns.

Wenn dat een Minschen gifft,
de di acht un versteiht
un alle Weeg mit di geiht
un iehrlich to di is,
de höört to uns.

Wenn dat een Minschen gifft,
de up een Wedderseihn sik freut,
der di in sien Arm denn nümmt
de nie in Stich di lett,
de höört to uns.

Un morgen is solk Dag,
wo Maten, mit dat Krüüz as Teiken,
tohoop kaamt un sik freut,
de Gesichten frie un froh,
denn so is Pingsten.

Noch staht se all
in’e Rund in’n Saal,
denn lücht up hier un dor
een Licht deit sik tosamen,
bald lüchten veel.

Deep in’t Hart elkeen spöört,
wi fiert hüüt un in de kamen Daag
Gebortsdag
vun em, de bi unsen Vadder sitt
to rechten Siet.

Wenn dat Minschen gifft,
de so verbunnen sünd,
för de is Pingsten.
De höört tohoop,
dat is wisslich wohr.

All spöört se,
dor is wat ünnerwegens,
dat knistert un puckert,
dat is de Gebortsdag
mit’n Hilligen Geist.


Wöör un Biller: Rudi Witzke
23.5.2010


na baven