Dozent Heinrich Siefer


Heinrich Siefer (* 1959 in dat Ollenborger Mönsterland) is ein dütschken römischk-katholschken Theologe, Baukschriewer un Mann för dei Erziehungswätenschkup. Van 1979 bit 1985 studeierde hei Erziehungswätenschkup un katholschke Theologie an dei Universität Hannover. Van 1985 bit 1989 was hei Mitwarker bi dat Bischkuplicke Mönsterschke Offizialaot in Vechte. In dei Tied hätt hei in Mönster in 't Institut för Diakonat un pastorale Deenste eine Utbildung tau'n Paostoralreferenten maokt, dei Praxisandeile dortau mök hei in dei Karkengemeinde St. Johannes d. T. in Bühren. Dornao, bit 1991, harr hei dat Leit äöwer dei Familjenbildungs-Stäe in Lohn (Lohne).


Heinrich Siefer, Dozent an dei Katholschken Akademie Staopelfeld

Siet 1991 warket hei as Dozent an dat Kardinal-von-Galen-Huus in Staopelfeld. H. Siefer settet sick däget in för dei nedderdütschke Spraoke. Dat man Plattdütschk in dei Plegestäen schnacket, dorför settet hei sick besünners in. Hei sorget dortau för dat Utbilden van dat Personaol. Dei Taugang tau dei öllern Lüe un dat lichtere Schnacken mit ehr up Platt is dat eine. Annersiets sorget Platt bi väle öllere Lüe uck dorför, dat sei mit ehr Läben bäter taufrä sünd.


Bild: Katholschke Akademie Staopelfeld

Heinrich Siefer is siet 1991 Maat in den Schrieverkring Weser-Ems. Bi "Plattdüütsch in de Kark Neddersassen/Bremen" maoket hei uck mit un hei settet sick in för Plattdütschk up Karkendaoge un Katholikendaoge un hei is Mitrutgäwer van dat Blatt för plattdütschke Gemeindearbeit De Kennung. Taudem hätt hei dat Leit äöwer den Arbeitskring nedderdütschke Spraoke un Literatur in dei Ollenborgschke Landschkup. Hei spräk för dei "Fachgruppe Niederdeutsch und Saterfriesisch" in den Niedersächsischen Heimatbund e.V. (NHB) un is Delegierter in den Bundesraot för Nedderdütschk. In dat Johr 2015 kreeg hei för sienen Insatz för dei nedderdütschke Spraoke den Heinrich-Schmidt-Barrien-Pries. Mehr bi't Institut für niederdeutsche Sprache e.V..


Bild: Ludgerd Lüske

Heinrich Siefer läwet in Cloppenborg. Siet 1985 is he Maat för plattdütscke Verkündigung in'n Rundfunk in dat Bischkuplicke Mönsterschke Offizialaot. Hei verwohrt dei Middagsanspraoken, dei man immer üm 14:15 Uhr up NDR 1 Nedersassen lustern kann.

Mit dei Tied hätt H. Siefer eine heele Riege Bäuker as Autor off Mitautor rutbröcht:

  • Wiehnacht an'n Kamin: Riemels un Vertellsels von Advent bit Käonigen [1994]
  • Is weer Winter: Vertellsels un Riemels van Wiehnachts- un Wintertied / rutgäwen van "Plattdüütsch Warkstäe - Staopelfeld". [Red. Heinrich Siefer], 2001
  • Morgen roop ich di wedder an: von Wangerooge bis Westfalen; Gebete in plattdeutscher Sprache / hrsg. von Sebastian Hackmann, Dietmar Kattinger und Heinrich Siefer, 2004 - GBV: 2. Aufl. 2004
  • Wulkenland: Een plattdüütsch Bauk / mit Biller van Willi Rolfes. [Red. Heinrich Siefer; Willi Rolfes], 2004
  • Ik bün dien — Du büst mien!: Naohdenken över Gott un de Welt, 2005
  • Luster eis to: Wat to'n Naohdenken / von und mit Heinrich Siefer, [2006] — Limo-Audiobook-Edition
  • Maria Maienkäönigin: Maiandacht in use Mudderspraoke Plattdüütsch, 2006
  • Tinkeln Steerns: Märken up platt / von und mit Heinrich Siefer. Musik: Norbert Lindhorst, [2006]
  • Tinkeln Steerns in klaore Nachten: Weihnachtsgeschichten van Schrievers ut use Ollenborger Münsterland / rutgäwen von Heinrich Siefer. Plattdüütsch Warkstäe Staopelfeld, 2006
  • Van Moor un Törf: Plattdüütsche Geschichten un Biller / von Tobias Böckermann, Rutgeven von Heinrich Siefer. Fotogr. von Willi Rolfes. [2008]

16.7.2017


na baven