Drütte Advent

Waak op!
Aas nich mit dien Kräfft!
Gier nich na Tanterfatand vun de Welt!
De Tand bringt di keen Glück in't Huus!

Waak op!
Aas nich mit dien Kräfft,
dat du nich umsüss levt hest
in disse wunnerschöön Welt.

Waak op!
Groot is de Noot vun uns Welt.
Wat steihst un röögst keen Hand?
Du kannst gegen Noot un Hatt angahn.

Waak op!
Veraas dien Leven nich!
Stah bi den Herrn, de kümmt.
Waak op un niesel nich rüm!

"De Herr kümmt mit groot Kräfft!
Sien Arm bringt allens an den rechten Plack.
Lohn deilt hei ut un Straaf fehlt nich…
Hei höllt sien Schaap tosaam."

Na Jesaja 40, Riemel un Wöör ut dat Hillig Bauk



Foto Kers: Spacebirdy/Wikimedia Commons
Text un Digitaalbiller: Rudi Witzke
12.12.2010


na baven