I-AAH, I-AAH, I-AAH,
ik bün wedder dor!
Dat duer gor nich lang un ik keem bi goot Weder na buten up en runden Speelplatz mit en Gitter üm.
Dor dreep ik mien Frünnen.
Wi weern dree witte Esel!
Tosamen kunnen wi düchtig rümtoven.
Ümmer wedder wöörn wi knipst!
Dat güng oftins hooch her up unsen Speelplatz.
De grote Esel weer meisttiets in de Meern. Wi hebbt ümmer wedder versöcht, up em rop to jumpen.
An'n Enn wöör em dat to bunt un he verjaag uns.
De wilde Jageree duer so lang, bit wi beiden lütten Esel maddelig un halv doot in den Sand legen. Wi müssen uns verpussen.
Caspar
Lesen deit Antje Heßler in holsteiner Platt.
na baven