Caspar bi de Lämmer
I-AAH, I-AAH, I-AAH,
ik bün al wedder dor!
Wenn de Sünn schien un dat Weder goot weer, müss ik ganz eenfach ümmer na buten! Ik möök mi denn up den Weg. Dat geev noch so veel to bekieken!
Mien Modder stünn meisttiets achter den Tuun. "Bliev nich so lang weg un verloop di nich!", reep se mi na.
Ik weer aver nich to hollen, ik marscheer los.
In den Park weer al en Sünnenschirm upstellt.
Achter unsen Stall weer en gröne Wisch. Dor sullen Schaap sien, hett mien Modder vertellt. Dat Blöken harr ik al höört.
Glieks achternTuun wöör ik twee lütte Lämmer wies.
Een lütt Lamm steek den Kopp dörch den Draht. Keek mi mit grote Ogen an, as wull dat seggen: "Hölp mi doch! Ik söök mien Mama!"
Wat heff ik mi freut, as dat lütte Lamm sien Mama funnen harr. He harr wull groten Döss. De Lütt güng richtig in de Knee, üm an de Melk to kamen.
As ik na Huus keem, müss ik eerstmal mien Mama wat fragen. Vör en poor Daag harr ik al mal so'n lütt witt Deert sehn. Dat weer en Zeegenkind.
Un nu weer dor en lütt Lamm achter den Tuun. Dat lütt Lamm un ok de lütt Zeeg harrn en witt Fell. Beide sän se Meeeh.
Sünd de miteenanner verwandt?
Mama schüttel mit den Kopp. Ehr Fell hett blots de glieke Farv!
För hüüt segg ik Tschüüs! Bit to'n neegsten Mal!
Juuch Caspar
Lesen deit Antje Heßler in holsteiner Platt.
na baven
