Moin, Moin, leve Kinner!
Ik heet Murkel un bün 1 Johr olt.
Ik leev in den Knick vun enen Goorn. Dor finn ik mank dat Gras
vele Käver to'n Freten.
Düt is en Mistkäver.
So groot as op dat Bild is he aver nich ganz. Ik heff em för
ju aver noch grötter wiest. Wenn ji dat sehn wüllt, mööt
ji op dat Bild klicken.
Düt is en Rothalskäver. He is nich bloots an'n Hals rood,
sünnern ganz rood, as ji seht. He smeckt good. För mi!
Wenn ji em noch grötter sehn wüllt, mööt ji wedder
op dat Bild klicken.
Wenn dat düchtig Regen geven hett, laat sik ok
de Snicken sehn, un de smeckt mi besünners goot.
Düt is en Bännersnick.
Süht schick ut, nich? Dat Huus kannst aver nich mit eten.
Un düt is en Nacktsnick.
Se hett keen Huus un is ganz saftig.
Süht eklig ut, seggt ji? Ji weet da nix vun af, wa lecker
de is!
Ik snüffel ümmer in't Gras rüm un luur, bit sik dor
wat röögt. Kieken kann ik nich goot, miene Ogen sünd
nich so scharp. Aver höörn kann ik ümso beter. Meisttiets
bün ik in Düüstern ünnerwegens.
Huch! Da hett mi een mit Blixlicht
knipst!
Achterna heff ik düchtig Döss un mutt eerstmal wat drinken.
To'n Glück is in den Goorn en gode Vageltränk. Dor drink
ik örnlich.
Wi Igels drinkt, indem dat wi
uns Tung in't Water stippt un ganz fix wedder hoochsluppt. Dat sühst
op dat Bild. Is nich ganz eenfach för ju Minschen!
Un dat smeckt mi ümmer goot!
Nu knips mi doch nich in eensento,
wo min Stacheln ganz unörntlich utseht!
För hüüt segg ik eerstmal Tschüüs!
Bit to'n neegsten Mal! Denn vertell ik mehr.
Juuch Murkel
|