Murkels Wiehnachten

Moin, Moin,
hier is wedder Juuch Murkel!

Hüüt vertell ik vun verleden Johr. So lütt weer ik dor noch!

Wi harrn dat Enn vun den Novembermaand tofaten. In de Nächten weer dat al teemlich koolt un ik harr noch keen Winterquarteer.
Mitünner keem mien Modder noch mit. Wi hebbt denn na de Mahltiet mit de Goornschooh speelt.


Toeerst: 1 Igel un 1 Poor orntliche Goornschoh...


...dorna: 2 Igel un 1 Poor dör'nannersmeten Goornschoh!

Aver denn keem se nich mehr mit.
Ik weer alleen un harr noch groten Hunger.
Up de Terrass funn ik ümmer noch Freten.


Avers de Appels sünd baven in'n Pott!

Achter de groten Steenpütt un in de Huuseck weer dat nich so koolt. Dor keem de iesige Wind nich hin.


Lütt Igel ganz alleen...

Dor heff ik mi verpuust.

Denn wöör dat aver richtig Winter un fung düchtig an to snien. Ik müss nu dörch den depen Snee up de Terrass! Mien Fööt weern ieskoolt!


Da bün ik langspeddt...

De Lüüd harrn al en lütten Dannboom upstellt. Dat weer bald Wiehnachten.


Op düt Bild snüffel ik an den Bessen rüm

Se harrn mi aver nich vergeten.
Vör de Footmatt leeg leckeren Kees.


Ooooh! Lecker Kees!

Den heff ik freten un mi dorna up de Footmatt leggt.
Dor wöörn mien Fööt wedder warm.

Poor Daag later weer noch mehr Snee fullen. Ik kunn kuum noch dörch kamen. De Goorn weer richtig tosniet.

Ik harr groten Hunger un ok Döss.


Hilligavend: Ik mutt nehmen, wat ünner dat Vagelhus rünnerfalln is...


...veel is dat nich!

Ünner dat Vagelhuus stünn de Vageltränke. Ik kunn se nich wedderfinnen. De weer insniet un tofroren.


Nich mal wat to drinken... mutt Snee freten!

Dor heff ik eenfach vun den Snee leckt.
Dorna heff ik mi in de Eck ünner den Dannenboom verkrapen.


Trurige Igelwiehnachten...

För hüüt segg ik eerstmal wedder Tschüüs!
Wi dat wieder geiht, vertell ik Juuch dat neegst Maal.

Laat Juuch dat goot gahn!

Juuch Murkel


Un hier warrt min Geschicht vörleest:


Lesen deit Antje Heßler in holsteiner Platt.


Fotos un Text: Antje Heßler

Översicht över Murkels Vertelln

29.12.2010


na baven