De Peperleinsdag

Leev Kinner, hier is wedder juuch Peperkokenmann Pepi!

In uns lütt Huus vun fröher wahnt nu en lütten Kerl. He keem dörch den Woold to uns.

He bekeek sik dat Huus genau. Dat Huus weer för em jüüst groot noog. He mütt sien Kopp wat intrecken. Aver dat geiht noch jüüst.

Wat goot, nu hebbt wi enen Hölpsmann för den Peperleinsdag!


Hier wasst de Roden in'n Woold!

Gau leep ik in den Woold un haal en Rood för em. De heff ik den lütten Keerl in de Hand geven. Nu weer he en Roodenkerl!

Dat is de Roodenkerl! Wi hebbt em all bewunnert.

Mit sien Rood is he glieks up dat Dack vun dat lütt Huus kladdert. Vun dor kunn he goot uns Huus sehn — dat grote Huus, wo wi nu in wahnt.

 

 

 

 

 

 

 

 

 

 

 

Glieks leep he los. He wull mit uns Kinner Football spelen.

Se spelen, bit dat düüster wöör. Wi müssen se rinhalen.


En Peperkokenstern

Alltohoop hebbt wi denn noch in de warme Stuuv seten. Dor heff ik noch mal vertellt, wosück ik un mien Lüüd to den Naam "Peperkoken" kaamt. Dat kümmt vun de Gewürz ut frömme Länner. De woorn fröher all "Peper" nöömt.

Dat gifft sogoor ok en Peperleinsdag. Dor loopt Kinner mit lütte Telgen un slaagt up de groten Lüüd. Se "peppert" de groten Lüüd un wünscht Gesundheit. Dorför kregen se enen Peperkoken.


De Moorn vun'n Peperleinsdag

So, un nu warrd dat Tiet, dat wi in de Puuch kaamt. Moorn is Peperleinsdag! Denn wüllt uns Kinner tosamen mit den Rodenkerl lostrecken. Se freut sik al op!


De ganze Bande mit Wiehnachtsmann un Engel seggt: Tschüß!

Juuch Pepi, de Peperkokenmann


Fotos un Text: Antje Heßler
29.12.2013


na baven