Maitied, Deel 1: Johrstieden

Texte för Kinner van Hildegard Tölke
— Dat Platt is dei Tungslag van't Oldenburger Münsterland. —

Maol dei Kreise so ut:

• Fräuhjohr — greun
• Sommer — gäl
• Harwst — rot
• Winter — blau

Dat Leed van dei Johrstieden

Do wör eine Mama,
dei har veier Kinner:
dat Fräuhjohr, den Sommer,
den Harwst un den Winter.
In Fräuhjohr blaiht Blaumen,
in Sommer dei Klei,
dei Harwst, dei bring Appels,
dei Winter den Schnei.

Wi freit us nu aale
up't neie Johr.
Wi brukt Gottes Segen,
dat is jao woll klaor.
Nu wess man taufraihe
mit diene Tied,
schnack Platt mit dien Frönde
un singe ein Lied.

Bingo

• Jedes Kind krigg ein Bingo-Blatt un schnitt dei 16 Wör ut.
• Up dat Bingo-Blatt werd dei plattdütschen Wör dör'nanner upkläwt.

Nu gaiht dat Spill los!

• Dei Schaulmesterin sägg in Hochdütsch dat Wort.
• Dat Kind meldet sick un sägg dat Wort in Plattdütsch.
• Jedes Kind legg nu ein Plättken off Steinken up dat Wort.
• Wecker taueierste näbeneinanner off ünnereinanner off diagonal veier in eine Riege häff, draff luut ropen: Bingo!
• Hei oder sei is dei eierste Bingo-Sieger.
• Dei tweide un drüdde Bingo-Sieger wedd uck noch spält.
• Dorna schuwt aale Kinner ehre Plättkes off Steinkes van ehr Bingo-Blatt, un dat Spill gaiht wedder van neien los.

Schnied dei Wör ut:

So süht dat Bingo-Blatt ut:

Nu kläw dei Wör in dei Kästchen!

Dat Spill gaiht los, wenn aal Kinner aale Wör upkläwt häff.