Maitied, Deel 7: Rennen, Radeln, Danzen

Texte för Kinner van Hildegard Tölke
 — Dat Platt is dei Tungslag van't Oldenburger Münsterland. —

Dat Wettrennen

Melodie: K.F.Zelter, "Der Kuckuck und der Esel"

Ein Haose un Swienägel,
dei wern maol dull, harn Striet.
Well fosser was bien Loopen //
Dat käönt wi beide gliek.

Ick bün dei Best in't Loopen,
praohlt luut dei Haose dann.
Ick häbb so flinke Pooten //
Dann fang ick nu uck an.

"Teuw, ick will nao mien Fro hen,
ick mott ehr dat vertelln.
Sett di deip hen in dit Look //
moss di nu dode stelln."

Dei Haose füng an't jaogen.
Swienägel duukt sick daol.
An ännem End röpp ganz klor //
sien Fro: Ick bün all dor.

Dei Riegen inne Wiete,
dei Haose wetzt un wetzt.
Kummp an dei ännern Siete //
röpp sei: "Is all besetzt."

Hei kann dat bold nich glöwen,
dei Puste gaiht rut nu.
Swienägel mit Vergneugen //
Ick bün all hier in'n Nu..

Dei Aohm verlätt den Haosen,
Dei Fäute häbbt all Blaosen.
Do fallt hei deip nao unnen. //
Swienägel häff wunnen.


Up Rad mit di!

Melodie: Ein Mann‚ der sich Kolumbus nannt...
(Du kauns dei Nöms van dei Kinner uck ännern!)

Up Rad mit di, dei Sünne schinnt,
klingelingeling, ping, ping.
Ein Kind nao vörn, ein achter di,
klingelingeling, ping, ping!
So gaiht dat in dei wiete Welt,
up Rad us gor nicks fählt off kellt.
Claudia un Julia, aale willt sei mit, mit mit,
Claudia un Julia, aale kaomt sei mit.

Denn Lenker fast in diene Hann'n,
klingelingeling, ping, ping,
dei Lüchten heil, dei Pingel dran,
klingelingeling, ping, ping.
Un wenn du affbögst, kiek noch maol,
dien Arm lang rut, jüss as'n Paohl!
Claudia un Julia, aale willt sei mit, mit ‚mit.
Claudia un Julia, aale kaomt sei mit.


Pingel — un Helm!

Holl Oogen open in'n Verkehr,
klingelingeling, ping, ping.
Dei Schiller wiest den Weg dor dör,
klingelingeling, ping‚ ping.
Trä daohne tau in dei Pedaohln,
kiener schall di äöwerhaoln.
Claudia un Julia, aale willt sei mit, mit, mit.
Claudia un Julia, aale kaomt sei mit.

Up'n Radweg fäuher up nit daol,
klingelingeling, ping, ping.
Bargup, bargaff vör kienen Paohl,
Klingelingeling, ping, ping.
Dei Lüe kaomt intaumeute,
mit Moin-Moin dei fröndlick greute.
Claudia un Julia, aale willt sei mit, mit, mit.
Claudia un Julia, aale kaomt sei mit.

Maol dat Verkehrsschild för Radweg!

Lernwör:
achter = hinter
kellt = schmerzt
Lüchten = Lampe
Paohl = Pfahl
daohne = tüchtig
intaumeute = entgegen
Füllrätsel

Van Plattdütsch in Hochdütsch. Schriew du dei hochdütschen Wör!

Wi heit dei Fraoge?

Lösung: Fraoge?

Lütt Matten

Köm Reinke, dei Foss,
un dachd': "Dat 's ein Kost!"
Un sä: "Lüttke Matten,
so flink up dei Padden?
Un danzt hier allein
up dei achtersten Bein'?"

"Kumm, laot us tausaom',
ick kann as dei Daom',
dei Kraih, dei spält Fiedel,
dann gaiht dat kandidel,
dann gaiht dat maol schön
up dei achtersten Bein."

Lütt Matten geew Pot,
dei Foss beet üm doot
un settd' sick in'n Schatten,
verspiest den lütt Matten.
Dei Kraih, dei kreeg ein'
van dei achtersten Bein'.

Klaus Groth

Luster maol tau!
Melodie: Schön ist die Welt

 

 

 

Luster maol tau.
Wi käönt dei olle Spraoke!
Nu all siet duusend Johr,
nu all siet duusend Johr.

Wi Kinner lert,
schnackt Plattdütsch mit us Öllern.
Dei mäöt dat uck weer lern,
dei mäöt dat uck weer lern!

Fallt di ganz licht,
schnacks all dei tweite Spraoke,
dei kummp van Harten her,
dei kummp van Harten her.

Wor Platt wedd schnackt,
dor fäuhls di at tau Huuse,
dor sägg man Moin tau di,
sägg du uck Moin tau mi!
Översicht över de Deelen
12.8.2010


na baven