Bottervagels



Mi kribbelt dat so unner'n Ribbenbaogen
so schwiemelig unner'n Topp
upmaol köm hier wat bi mi anflaogen
un maokt sien Est in'n Buuk un uck in'n Kopp

Bottervaogels daut'n Köppel maoken —
vull mit Farven un mit Lust —
dei wispelt un lüstert van hartmoje Saoken,
verdriewt den bedreuwten un behinnern Frust.

Sei fluttert bildhaft in Krings ümmetau,
as Farwenschwarm, dei moj' ut dei Säle driff —
sei pusset sachte mi Saoken tau,
so dat mien Feuhlen malläwe nich iesig bliff.

Sei maoket ut Daok einen lechten Schien,
mit'n Schemmer, den Siede blots hätt —
as Diamanten, dei bräket dei Sünne so fien,
wenn man dei guldig infaoten lätt.


Text: Ewald Eden
Bild un Översetten: Ludgerd Lüske
14.3.2013

trüch


na baven


na't Flack

na de Startsiet