Innocentia |
In den Hamborger Stadtdeel Harvestehude gifft dat de Innocentiastraat (nöömt 1870) un den Innocentia-Park. Een vun de Düdungen, woher de Straat un de Park ehrn Namen herhefft, kunn ween, dat Papst Innocenz IV. dat Nonnenkloster, dat se 1247 buut hefft, siene Rechte gellen leet. Dat gifft aver uk en Geschicht, dat sik en jung, smucke Deern ut Leevskummer entsloten harr, in dat Kloster Frauenthal to Harvestehude as Nonn to gahn. Denn hett se sik allerdings heimlich mit ehrn Leevsten drapen. Bi't geistliche Gericht woor se anklagt wegen unverlööft Liebeshandel un wieldem se dat Keuschheitsverspreken nich inholen harr. Se hebbt Innocentia to'n Dood verdönnert un hinricht unschullig! Düsse Geschicht is wull uk de Grund för de Skulptur vun en Fru, de dor nackig in'n Innocentiapark steiht. De Bildhauer Curt Beckmann hett se 1950 maakt. De Künstler Curt Beckmann is 1901 in Solingen op de Welt kamen und 1970 in Düsseldörp storven. Na den Krieg harr he'n tietlang 'n Atelier in Hamborg-Alsterdörp. Dor harr he engen Kontakt to de Familie vun Wolfgang Borchert. De hett, as wikipedia seggt, den Protagonisten ut sein DramaButen vör de Döör na Beckmann nömt.
Quellen:
Rita Bake, Wer steckt dahinter? - Nach Frauen benannte Straßen, Plätze und Brücken in Hamburg, Landeszentrale für politische Bildung, 6. aktualisierte und erweiterte Auflage, Hamburg 2011; Harald Vieth, Von der Hallerstraße 6/8 zum Isebek + Dammtor Jüdische Schicksale und Alltägliches aus Harvestehude-Rotherbaum in Hamburg seit der Jahrhundertwende, Selbstverlag, Hamburg 1990; Anna Brenken, Hamburg, Ellert & Richter Kunst-Reiseführer, o.Jg.; Harvestehude-Rotherbaum im Wandel in alten und neuen Bildern, fotografiert von Reinhard Hentschel mit Texten von Christian Hanke, Medien-Verlag Schubert, Hamburg 1993; wikipedia |
Mehr vun de Autorin hier Fotos: Katja Renfert 18.11.2012 |