Lübeck. Grafik vun Jutta BredowSpazeergang dör Lübeck mit'n Teikenstift

"Grote Hüüs", teikent vun Jutta Bredow;
mit'n lütt Inföhren vun Rudi Witzke


Bi „Grote Hüüs“, de Karl-Heinz Nissen so nau beschreven hett, sünd ok vele Biller, meist Fotos.

Hüüt willt wi maal fief teikent Biller vun disse „Groten Hüüs“ wiesen. De sünd vun Fru Jutta Bredow teikent. Se hett ok uns "Logo" baven teikent, dat düsse Reeg vun Lübeck-Bidrääg vörangeiht.

Wo ist denn dor en Ünnerscheed to de Fotos? — Teiken liernen heit seihn liernen. Dat höört sik goot an, sogoor beten geheemnisvull. Dat lett sik licht verkloren, wat meent is.

Sehn is wat teemlich Komplizeertes. Stelln Se sik man maal vör, Se stahn an en Dag mit Sünnenschien un lomig Winnen an en Lichtung in en Holt. Lichtplacken danzen över de Eeerd, de Bläder vun de Bööm bewegen sik licht, dat Gras up de Lichtung weigt hen un her.

Wenn wi wat sehn, sammeln uns Ogen en Untahl vun Informatschonen, veel mehr, as na unsen Bregen transporteert warden kann. So bearbeidt uns Oog schon all de Daten. Swatt-witt wart sorteert, hell-düster un de Farven. Un denn de velen Muster! Muster sünd de jümmer wedder kamen Bewegen vun dat weihen Gras, de ruscheln Bläder, de danzen Lichtplacken.

Wat denn nu in’n Bregen passeert, dat weten wi noch överhaupt nich. Wi weten blots, dat de Ogen jümmer hen- un herhuschen, un de Daten buun in’n Bregen een Bild up. Dit Wohrnehmen löppt unbewusst af. Teiken liernen bedüüdt nu, dat Bild ut den Kopp in en Afbild up dat Blatt Papeer ümtowanneln.

Natüürlich is Teiken veel mehr. Dat is nau so as dat Spelen vun Instrumenten en Oort Meditatschoon. Un dat is een Uteenannersetten mit de Würklichkeet. Wokeen dat Borgdoor teikent, de studeert dit Door twee, dree Stunnen lang. Anner Gedanken hebbt in den Bregen keen Platz. Un wat de Teikner belevt, dorvun schrifft he mit Bliestift orrer Feder een „Protokoll", aver nu nich mit Wöör.

Wenn wi nu en Teiken vun Fru Bredow ansehn, wenn wi uns dorbi Tiet laten, denn beleven wi na, wat in ehr vörgahn is, as se dat Bild teikent hett.

Wieldat goode Belevnisse sünd, de wi hebben köönt, wenn wi Biller ut de uns so goot bekannte Stadt Lübeck anseihn, wiesen wi de fief Biller. Laten Se sik Tiet bit Na-Beleven! Se kennt Lübeck nahsten noch beder.

Rudi Witzke

Düsse Plan kenntekent, wo langs uns Padd dör Lübeck uns föhrt. De Links bi de Biller föhrt Se na de enkelten Bidrääg, 'neem de Buwarken vörstellt warrt.

1 Uns Rundgang fangt mit dat grote un beropene Holstendoor an, dat Wohrteken vun den düütschen Städtetag. Dor wannert wi na Lübeck rin.

2 Direktemang dorachter, an't Över vun de Traav, sünd de uurolen Soltspieker to sehn.

3 Wi wannert bargop. De Midd vun de Stadt slütt dat Raadhus in — dat Hart vun Lübeck.

 

 

4

Langs de Königstraat gahn, de Börgerhüüs bekieken... an'n Kobarg kaamt wi denn na de ehrwördige Schiffergesellschaft ehr Hus.

 

 

 

 

 

 

 

 

 

5

Dör dat Borgdoor verlaat wi de ole Borginsel wedder. Wat för'n schönern Utgang kunn en Stadt woll hebben?


 


trüch


na baven


na't Flack

na de Startsiet