Notizen ut'n Oostermaand


oosterboom

lütt oosterboom! noch allens kahl,
man du steihst da op jeden fall
al redig un paraat:
poor eier, beten karneval,
poor lütte bläder wiest sik al,
dat is din oosterstaat.
so steihst du an de straat,
en trutzig-lüttes teken:
di brukt wi nich lang söken.


 

 

stillhollen!

an'n arm: en snick.
en snick an'n rügg.
sogoor en snick an't beste stück!!
un een noch ünner't kinn.
da muttst en ganzen mannskeerl ween,
op't best sogoor vun marmelsteen
— so een, as ik dat bün.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet