düsse weeg sünd jümmers dor
jümmers nu
de laternen sünd jümmers greller
as maan orr steern

düsse weeg sünd jümmers dor
wüllt gahn ween
un sünd nienich toenn gahn —
du geihst un geihst ehr, bet

de swoorkraft vun beton verfallt
nix höllt di mehr op den asphalt
de stadt, de eer, se laat di gahn
na steern un maan...

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing