Notizen ut'n Sneemaand


omen 2009

krüüz
krüüz ünner snee
an'n wegrand, as
en vergeten woort

bang is mi, bang
vör düt johr

krüüz
krüüz, dat sweevt
inschrift vun vagelfööt
behott, an'n rand

bang, wees ni bang
de arms langt doch
över den graven.

 


armee, de ünner'n dagmaan marscheert,
lang vergeten gestalten,
terrakottakrieger, stief
vör küll un tied:
juun reegn terbraken,
snee üm juun fööt:
al siet lang
swiggt de maan
sin kommandos
ok he weet
de richt nich.


snee, eer, gröön

de snee liggt
de eer driggt
dat gröön stiggt


 

 

 

tofraren veringkanaal

noch bedeckt
ies min hart
man fast dorbinn
liggt de "heidbloom", flederklöörig,
un meergröön bavenöver
de heven.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing

2.8.2009

trüch


na baven


na't Flack

na de Startsiet