Notizen ut'n Sneemaand


anweiht mit den wind
dalgleden mit de tied

en witten schadden hest du laten
op mien seel


gebilde, dat naklang vun wiehnacht böört,
du dode boom, lebennig utstaffeert;
vör di in nakeltswatte kärglichkeit
hett sik en anner boom lebennig spreit.
he schient uns dood, du levig; in teihn johr
starvt teihn vun di as du; he steiht noch dor.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet