Notizen ut'n Heumaand


de droom rull af, de düüster droom
opwaken
süht de sünn ehr spegelbild
verdüüstert dör den droom
de trüchrullt kümmt


se all in reegn, slicht un even
in't kruut schaten, man nich to hooch —
en heer eerdbunnen wirrköpp, denkt se all
doch bloots an dat unsichtbore
lock in'n heven


opwaakt ut'n droom
stah ik merrn in di
mien levensallee
seh de lücken, de schadden
seh dien apen end
opwaken in
den droom


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet