Notizen ut'n Maimaand

de raps fangt an. de groten rööd
vun't johr dreiht risch sik rüm
se mahlt de tied, se mahlt de blööt
termahlt dat johr in sinnig drööt
un kiekt sik gor nich üm.

Du denkst, dat kann't nich geven —
de ganze Welt en Wulk —
meist truust du nich dien Sinnen.
Bloots noch de Woold steiht hooch un graad;
man wo de swatten Riesen staht,
dor luert al mang ehr Verraat:
en Schemer vun Beginnen —
dat Gröön, dat kümmt vun binnen...