Notizen ut'n Maimaand


door, boompoor, door
twüschen welten
steiht apen düssen hartslag
steiht hartslag üm hartslag
üm mi rüm, neem allens
anner welt is
in mien hartslag

wat danzt de wulken mit de weeg!
wat is dat land so borgen!
afwendt, afwesend, ünner städer
begraven,
kiekt dat hier
mi an: düt is dat land

un is dat nich un dreiht sik un verlöppt
as fleten water
ünner mien blick
versluckt vun winter, tied un stadt
verglitt, vergeiht as wulken —

düt is dat land

 

heel waken un
versunken in sik sülven as en droom
suugt dat de tied op, de dat nich mehr gifft
heel waken un
versunken in mi sülven as en droom
as ik — dat binnen-land
dörwannert mi


de woold sweevt
övern borrn hen,
sien foot is witt, sien wötteln
sünd in'n heven

de vull teken is
de teken is
de is

 

ik gah den weg ut wöör, dat helle
ut ehr to wringen, dat helle dor an't enn
"ji wöör, ji wöör, loopt mi tovöör!
seggt, wat ik wies warrn wöör!"

de weg danzt mi to föten, danzt
mit mi üm de böög
verswinnt

de möhl maalt teken in de lucht
bit hen to'n swinnligwarrn, ehr küseln
beschrifft de steed, beschrifft de luft
beschrifft ahn faten

 

lütt gatter stört sik in de beek
un över mi
de boom

tosamen mit en melodie
heet dat: ik laat di nienich frie.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet