Juli
swaarkraft un lichtkraft
gifft keen planet mehr
un keen steern,
ik weet nich baven un nich nerrn,
ik weet bloots klöör.
mi treckt keen swaarkraft na de eer,
mi treckt blööts klöör mit macht na ehr.
un as ik hier vun sülven haft,
laat ik mi falln in düsse kraft,
bet mi en anner kraft, dat licht,
mit lichtkraft denn na baven driggt.
|
August
een bröch dat anner vördag;
un mennigmaal lüttes dat groot.
wulken un wind den flögelslag;
un, as wi minschen mal doot,
wi minschen huus un möhl.
un as gegengaav geven
huus un möhl uns weel
un kiek, ut lachen un leeven
woorn all düsse kinner boren.
blaag in de wulkenschrift
steiht dat gesett, dat uns geven:
wat dat op eerden ok gifft,
warrt eerst to'n segen in pooren.
|