Is Sommer!
Wenn Se de Biller wat grötter sehn wüllt, denn klickt Se dorop! Trüch kaamt Se denn mit'n Trüch-Knoop in SeEhr Browser-Symbolliest.
Is Sommer


Roode Mahn
farvt dat Feld,
drinkt un drinkt
güllne Sünn.
Böögsche Gassen
weegt ehr
sülvrig Grannen
in lue Winnen.
Blaage Blöden
mit lüttje geele Ogen
vun Kreihnblomen
luschern vör
achter de smallen
Veeraderblööd.
De Kornwieh
swirrt un swirrt
mit söken Blick,
ehr Flünken ströpen
meist de fladdern Ahren
vun'e Roggenhalms.
Een Heupierd
suust in hogen Bagen
in eenen Grasbülten.
Is Sommer!

Mahnbloom

 

Gassen - Utsnitt

Gassen

 

 

 

Mahnbloom - Utsnitt

 

 

 

Mahnbloom - Utsnitt

 

 

Holsteensche Sommer


Sommer-Regen!
Wadernatte Küll!
Blomen schuddert't.
Is doch ehr Tiet!
In't diesig Gries
lüchten trutzig
rode Rosen.

Verklaamt
krüppt 'ne Hummel
in'e Blötentüll
vun'n nicken
Fingerhoot.
En Imm kümmt
nich mihr na Huus.

Snicken
töven af
de düüster Nacht,
mahlen kort
zortes Gröön.
Strunken
kahl un naakt.

Leven wehrt sik,
de Eerd gifft Kräfft.
In Gedüür töven
up beder Tieden!
Sünn bruukt elkeen,
Planten, Deerten
..................un wi.

 

 

Wöör un Biller:
Rudi Witzke


5.6.2002

trüch


na baven


na't Flack

na de Startsiet