 |
Dat Projekt Goorndiek vun Thomas Seemann Se köönt de Fotos per
Klick vergröttern. Trüch kaamt Se denn mit den Zurück-Knoop
op de Browser-Symboolliest.
Eegentlich kunn ik beter in uns Schrevergoorn gahn. Denn daar to schrieven, dat dee helpen, aver ik meen ok, dat ick dat heel good vör Oogen hebb. Dat is net so, as wenn man bi't Malen gode Musik an hett.
Ick hebb hier so'n lüttje Book liegen — dat Daagbook — von uns Diekprojekt. Darut will ick even dat Wichtigste upschrieven. Dat fung an Mitte Märt un dat weer erst so um 10 Grad warm buten, aver man kunn all marken, daar deit sück wat in de Natur. De Krokussen weern heel fröh an Bleihen un jede Dag weer besünners — ok wenn dat maal Schietwetter was.
An de 17.03.2015 weern wi dat erste Maal in't Thun. Kiek, vördem haarn wi blot daarover proot un nu sull dat losgahn. Mit söven Lü gungen wi daarhen. Ik un Florian keken nah de Diek, de annern weern an Blömen un Gemüs poten, Unkruut jäten un Planten mit Water begeeten. Wi beid keken uns de Diek van boven un unnen an. Uns lüttje Diek is 2,10 Meter lang, 1,30 Meter breet un good 0,25 Meter deep — dat faat rundweg 600 Liter. Wi funnen ok all Leven — Gelbrandkäfer, Waterlooper un ok Poggen. As nächstes wullen wi kieken, off man nich dat Water mit en Teichpump offsugen kann.
De tweede Dag, dat weer an Dienstag, de 24.03.2015, sach dat all heel anners uut. Wi haarn en Teichpump kreegen un fungen an to pumpen. Tüskenin Stenen insammeln un Gras offsteken.
Mit de Keschernett fungen wi Bergmolche, un sachen ok weer Poggen, Gelbrandkäfer un Waterloopers.
De anner Gruppe, de mit uns daar weern, kümmerten sück um dat Kräuterbeet, dat weer en anner Projekt, de genau tegen uns Teich was. Bi en Tass Koffje beprooten wi dat Künftige. Planten wullen wi koopen un en Hügel um de Teich anlegen. Binsen un Rohrkolben haarn wi all, de wi tegen Middag all insetten.
Dütlich warmer was de 14.04.2015. Wi hebben Planten inkoeft un keken, waar se goet stahn kunnen. Ditmaal fischten wi 2 Bergmolche un 2 Laubpoggen. In't Nett gungen uns ok heel bült Larven, dat wassen vermutlich Libellenlarven. So as wi dat beproot haarn, fungen wi mit de Upschüttung an. Up eenmaal röpt Klaus, uns Betreuer: "Kiekt even: hier is en heel dicke Putt!" Klaus broch dat Unkruut na't Kompost un as he daar en bittje dörröhrt hett, kwem disse dicke Putt toemoet.
Ik maak een paar Biller darvan un ok van de Blömen, de all kräftig bleihten. Binsen, Rohrkolben, Ampfer, Waterlilien, Waterpepperminze, Froschleepel funnen de richtige Platz bien Diek. Ok Stenen kwemen up de richtige Platz.
Wi wassen allwöchentlich daar. Florian dee sien Prüfung absolvieren mit en glatte Een in sein Tügnis. Beter kunn dat för uns nich lopen.
Uut Sicherheitsgründen kopten wi schließlich en Solaarpump un Florian broch Goldfisken vant Huus mit — de deen sück richtig wohlföhlen int Natt, waar nu mittewiel ok all Seerosen bleihten.
Wi hebbn bült Arbeid investiert. Över de heele Tied hebb ik Fotos maakt. Aver dat hett sück in allens lohnt. Dat weer rein en Erfahrungsgewinn för uns beid. So vööl verscheeden Planten kennenlehrn un kieken, wat för Lebewesen dat geven deit!
4.10.2015
|
