Dat Kruut för'n Märzmaand:
Düvelskrall

vun Anke Nissen

Harpagophytum Procumbens — Familie Pedaliaceae (Pedaliengewächse)

 

Anner Namen:

Südafrikanische Teufelskrallenwurzel, Teufelskralle
Sammelt warrt:
Wörtel (Wurzelknollen) = Radix Harpagophyti

Warrt bruukt:

De Lüüd in Südafrika bruukt de Wörtel bi Wehdaag vun Galle, Leber, Nieren un Blaas.
Bi uns: för Gelenke (Arthrose)

So warrt't anwennt:

1 bet 1 ½ Teelöpel dröögt Wörteln mit ¼ l kaken Water övergeten un 5 bet 8 Stünnen uttrecken laten. An enen Dag 2 bet 3 Tassen drinken.
Dissen Tee över vele Weken drinken, dat helpt gegen de Pien in de Gelenke.

Mien Fründin Dorly vertell mi, dat se groot Pien in ehr Knee hett un dat ehr Doktor ehr dorgegen "Teufelskrallen" upschreven hett.
"Teufelskrallen", wat is dat?

Ik heff söcht un funnen:
Mien Fründin hett ganz bestimmt en Medikament, dat ut de "Südafrikaansch Düvelskrall" maakt worrn is, as ik de baben beschreven heff. Düvelskralll. Aquarell

As nu en Fru hier dull över Pien in ehr Knee jammer, heff ik ehr vun de Düvelskrall vertellt. Se is glieks in de Afteek lopen un hett sik Düvelskrallen-Tee haalt. En poor Daag later reep se bi mi an:

"Dat Tüügs is nich to drinken", hett se seggt, "de Tee smeckt sowat vun ekelig un bitter, nich dal to kriegen!"
Ok Fenchelhonig, den se in dissen Tee rinröögt harr, kunn den Smack nich betern.
Nu heff ik ehr Düvelskrallen-Kapseln köfft, mal sehen, wat se dormit beter trecht kümmt.

Wenn een Tee vun de Düvelskrallen-Wörteln kaken will, denn sull een de Wörteln in enen Mörser to en groff Pulver stöten. Wenn dor denn Tee vun upgaten warrt — so as baben schreven steiht — sall de ok helpen gegen Rheuma. De Tee mütt över lang Tiet drunken warrn. (Wat nich eklig is, hölpt nich! ) Marken kann een vun sien Wirken eerst na dree Weken.

Rapunzel-GlockenbloomPhyteuma

Rapunzel-GlockenbloomHier bi uns kennt wi den Namen Düvelskrall ok, man hier bi uns is "Teufelskralle" de Naam för mehrere Oorten vun de Phyteuma.
Ok den Namen Rapunzel heff ik dorför funnen (Rapunzelglockenblume = Campanula rapunculus).

Anner Namen: Echte Rapunzel, Milchglöcklein, Mausöhrle, Eß-Sauwurzel. De Rapunzel-Glockenbloom blöht vun Juni bet August. Se wörr fröher geern as Salat eten.

witte DüvelskrallHier seht Se poor Biller vun heimische "Düvelskralln": linkerhand de Kugel-Rapunzel (Phyteuma orbiculare), baven de ganze Blüüt dorvun, rechterhand de witte Düvelskrall, nerrn de blaag blöhn Düvelskrall.

 

Phyteuma höört to de Glockenblomengewächse (Campanulaceae). Dat gifft rund 30 Oorten. De blöht blaag, witt, geel orrer purpurfarven. Wi findt de bi uns veel as Goornplant. Bekannte Oorten sünd:De blaag blöhn Düwelskrall

  • Zarte Teufelskralle (Phyteuma Tenerum), blöht deep blaag
  • Hallers Teufelskralle (Phyteuma Ovatum), blöht swattviolett, swattblaag
  • Weiße Teufelskralle (Phyteuma Spicatum)
  • Schwarze Teufelskralle (Phyteuma Nigrum)

All disse Planten speelt as Heilplanten keen Rull!

De blaag blöhn Düwelskrall

De blaag blöhen Düvelskrall hett Bläder, de as Krallen bagen sünd.
Een schull disse Bläder nie nich afrieten — so seggt de Volksgloven —, anners warrt de Blitz antrocken un sleit in.

De Düvelskrall warrt ok "Marienblatt" nöömt, wiel man glöövt hett, dat de düüstern Placken up de Bläder (bi de Phyteuma spicatum) vun dat Menstruationsbloot vun de hillige Maria stammen doot.

Dat Bild rechterhand wiest de Heilplant, as se in Süüdafrika vörkümmt: De rosa bet lachsfarven Blöden, de steernförmig "Düvelskrall" un dor blangen dat, 'neem dat up ankümmt: de knollnaardigen Wörteln, de dröögt, lüttmaakt un denn as Arznei bruukt warrt.



na baven