Dat
Kruut för'n Aarnmaand: vun Anke Nissen Tilia platyphyllos (grandifolia) = Sommerlinde, se hett
grote Bläder |
|
|
Anner Namen: |
Sommerlinde:
Frühlinde, großblättrige Linde, Sommerlinn, Linn, Linnenboom Winterlinde: August-, Berg-, Hart-, Spät-, Stein-, Waldlinde, kleinblättrige Linde |
|
Sammelt warrt:
|
Blöden
(Flores Tiliae): in'n Juni de Blöden vun de Sommerlinn, in'n Juli
de Blöden vun de Winterlinn. De Wirkstoffe (Flavonoide un ätherische Öle) vun de Blöden sünd veer Daag na't Upblöhen an'n besten. |
|
Warrt bruukt: |
Lindenblöden
sorgt för Sweet. Gegen Verköhlung, Katarrh, Grippe |
|
So warrt't anwennt: | 1 Eetlöpel Linden-Blöden-Tee
mit ¼ l kaken Water övergeten, 10 Minuten trecken laten. Ok good in Teemischungen. |
|
As Heilplant
warrt bloots de Blöden vun Sommer- un Winterlinn bruukt. De Blöden
vun anner Linden-Oorten smeckt un rüükt nich goot.
Linden wörrn geern as Schutzboom plant, vör'n Hoff orrer in't Dörp.
Wenn en Buur de Meen weer, sien Veeh weer verhext, denn hett he de Deerten mit Telgen vun'n Lindenboom haut. Denn jaulen de Hexen un lepen weg.
En Mann dörv nie gegen enen Lindenboom sien Water laten, anners kriggt he en Gassenkoorn in't Oog. |
||
En Ring ut Lindenholt sall na de Meen vun Hildegard von Bingen vör vele slimme Krankheiten schützen. Un denn schrifft se noch:
Deit de Hals weh, denn kann en Tee ut half Kamillenblöden
un half Lindenblöden helpen. |
||
Wo Oma uns to'n Sweten bröcht hett Bi
de allerersten Teken, dat sik en Verkühlen wiest, hett Oma uns
mit Lindenblöden behannelt. Se meen, dordörch wörrn
uns egen Heilungs-Kräft aktiviert. |
||
|