Dat Kruut för'n Hornung: Rosskastangel vun Anke Nissen Aesculus Hippokastanum Familie Hippokastanaceae
|
|
|
Anner Namen: |
Chestnut (englisch), Drusenkesten, Gichtbaum, Kestenbaum, Pferdekastanie, Saukesten, wilde Kastanie, wilder Kästenbaum, Zierkestenbaum. Plattdüütsch: Kastangel, Kastana (Angeln), Kastang, Kastani (Pellworm), Kastandel, Katanje, Kastannel, Kristandel, Kristangel (Fehmarn), Kristannel. |
|
Sammelt warrt:
|
de düüsterbrunen, glänzen Kerne, de "Kastangels" (Semen hippocastani) |
|
Warrt bruukt: |
|
|
So warrt't anwendt: |
|
|
De Kastangel is keen heimisch Boom. He is eerst so üm dat 16. Johrhunnert herkamen, herbröcht worrn. Sien Heimat is Binnerasien, Tibet, Persien. Hüüt findt wi den Kastangel-Boom överall bi uns, an Alleen, in Parks un in de frie Natur. De Kastangel-Boom blöht heel schöön in'n Mai. He hett grote, kegelförmige Blöden-Druven (Blütentrauben), de staht uprecht un sind witt orrer root mit gele Placken. De Frucht is en gröön stachelig Kapsel (Schale). Dor sünd runde (wenn blots een Kern dor in steckt) orrer halfrunde (wenn twee dor in steckt) Kerne in. De sünd düüsterbruun un glänzt as poleert. Dat gifft wohl keen Kind, dat in'n Harvst nich geern Kastangeln söken deit. De Kinner speelt mit disse schönen blanken Früchte un bastelt dormit. |
||
|
||
Präparate
vun Rosskastanien kann een in de Apotheek köpen. Roßkastanientinktur
|
||
|
||
Fröher
hett man Dextrin (Dextrinum) geern ut "Kastanienmehl" (Stärke
vun de Roßkastanie) herstellt. Dextrin wörr in groot Mengen
as "Klebemittel" bruukt, as Bispill to'n Gummieren vun Breefmarken,
Klebezettel un anners, ok as Appretur vun Tüüch un to'n Verdicken
vun Druckfarven...
De Rinde vun de Roßkastangel (Cortex Hippocastani) gell fröher as Ersatz för Chinarinde, Fieberrinde. Wenn en Peerd Hoosten harr (Pferde-Asthma), hett man fien-mahlen
Kastangel-Mehl in't Foder mischt. Dat Öl ut de Frucht gell as Mittel gegen Gicht un Rheumatismus.
Mien Opa weer de Meen: Wenn de Kastangeln al in de Mitt vun'n September riep sünd, so is dat en Teken, dat dat enen strengen Winter warrt. Dor kiek ik nu jümmers na hen un för dissen Winter is dor keen Gefohr; de Kastangeln weern an'n 14. September 2007 noch nich riep. |
||
|