Exot. -- Klick op to'n Vergröttern!Orchideen
— Phalaenopsis —

fotografeert un vörstellt vun Antje Heßler


Se köönt de Fotos per Klick vergröttern! Trüch kaamt Se denn mit den Zurück-Knoop op de Browser-Symboolliest

Phalaeonopsis is en Oort ut de Orchideenfamilie. De botanische Naam kümmt ut dat Griechische. Phalaina bedüüt "Nachtfalter" un -opsis dat Utseh'n. De Orchidee süht also enen tropischen Nachtfalter liek un de Plant kümmt ut de Tropen (Vörder- un Achterindien, Indonesien un de Philippinen). Se is de beleevste Oort vun de tropischen Orchideen.

Exot. -- Klick op to'n Vergröttern!

Exot. -- Klick op to'n Vergröttern!Bi uns gifft dat ok Orchideen. Se fallt aver nich so in't Oog as de Oorten ut de Tropen un se sünd ornlich wat lütter. De Exoten dorgegen hebbt wunnerbore grote Blöten in all Klören. Se warrd oftins as Königin vun de Blomen betekend. Nu sull'n düsse besünners smucken Orchideen aver nich blots in de Tropen wassen, man wull se ok bi uns in de köllere Gegend heimisch warrn laten. De Naturhybrid Phalaenopsis weer dorför besünners goot to bruken. En Hybrid kümmt tostann, wenn en Bloom mit de Pollen vun en Bloom ut en anner Soort bestäubt warrt.

 

 

Exot. -- Klick op to'n Vergröttern!Exot, Rispe. -- Klick op to'n Vergröttern!

Exot. -- Klick op to'n Vergröttern!Eenige Oorten vun de heimischen Orchideen benehmt sik heel vigilinsch. To'n Bispeel maakt de Spinnenragwurz en Insekt na, se verkleed ehr Blööt. De süht denn en Insektenfru liek. Up de Oort lockt se en Insektenmännchen an. Ehrdat de arme Keerl bi sien Besöök wat dorvun wies warrt, hett de Orchidee al ehr'n Blötenstoff in sien Pelz afwischt. Beladen mit den Stoff flüggt he na de neegst Bloom un bestäubt se. So kann en anner Naturhybrid tostann kamen.

 

Phalaenopsis. -- Klick op to'n Vergröttern!

De tropische Orchidee Phalaenopsis waßt up Bööm un anner Planten. Se waßt blot na baben un hangt nich hindaal as anner Oorten. Se hett Bläder, de sik anfaat as Ledder. De Wötteln vun de Plant sünd dick un fleeschig. En Deel dorvun hangt in de Luft. Jedeen Johr kaamt twee bit dree niege Bläder ut de Meern vun de Plant. De ünnersten twee bit dree Bläder waard denn geel un afsmeten. De Blödenstengel waßt ok na baben, aver dat letzt Enn hangt dörch dat Gewicht vun de Blöden in Bagenform na ünnen. De enkelt Blööt hett dree Kelchbläder (Sepalen) un dree Kronenbläder (Petalen). Ut en Petalum bildt sik de Lipp (Labellum), se is ümmer dreedelig.

 

Verklaarn vun de Orchideen-Blööt. -- Klick op to'n Vergröttern!

Rispe. -- Klick op to'n Vergröttern!Vermehren deit sik de Orchidee dörch lütte Aflegger an de Blötenstengel un an de Plant. Aver ok ut Samen waßt junge Planten ran.

Orchidee mit Luftwörteln. -- Klick op to'n Vergröttern!

 

Phalaenopsis-Blööt. -- Klick op to'n Vergröttern!De Tüchter hebbt nu de Orchideen vun de Oort Phalaenopsis miteenanner krüüzt un en Kulturhybrid rantrocken. Se is besünners taag un kann en Knuff verdregen. Se hett grote un schöne Blöten un blöht lang un veel. Besünnere Pleeg bruukt se nich. Wassen deiht se aver blot in en egens för se anmischte Eer. Fröher müssen Orchideen enen besünneren Ruum hebben. Dat Beste weer en Driefhuus. De Orchideen müssen feucht un warm stahn.Siet de Hüüs un Wahnungen mit Zentralheizung utstaffeert sünd, kann de Phalaeonopsis in en Blomenpott meist överall in de Wahnung stahn. De griesen Luftwötteln hangt dorbi över den Pottrand.

 

 

Exot. -- Klick op to'n Vergröttern!

En Orchidee vun de Frauenschoh-Oort. -- Klick op to'n Vergröttern!

Witte Orchidee. -- Klick op to'n Vergröttern!In de Meern vun dat söbenteihnste Johrhunnert sünd de eersten tropischen Orchideen in Europa inföhrt worrn. Holland un England weern dörch de Kolonien de eersten Länner. De wunnerbore Blööt vun de Orchidee hett de Minschheit begeistert. Bald wull jedeen Land de smucke Bloom sien Egen nennen. Vun de Tiet an sünd vele Planten na Westeuropa kamen, de Tall is nich mehr to översehn. Dat geev ümmer mehr Sorten. De Vörleev för düsse Planten is in de letzten Johr'n ümmer gröter woorn. Orchideenutstellungen maakt de Bloom överall bekannt. Hüüt is dat grote Mood, en Orchidee in de Wahnstuuv to hebben. Ok en Blomenstruß mit Orchideen gellt as besünners chic. Sülvst in de Möbelprospekten sünd veel Orchideen as smückendes Biwark afbillt. Sogor in de Baadstuuv warrt se upstellt. Dat is keen Wunner, wenn de Nafraag düchtig anstegen is.

 

 

"Nanu, wullt du wat?", schient düsse Schöönheit to fragen. -- Klick op to'n Vergröttern!

Orchideenfinster. -- Klick op to'n Vergröttern!


Orchideenfinster

Wenn man nu so en smucke Orchidee sien egen nöömt, mutt man ok doran dinken, dat se mal enen gröteren Putt un niege Eer hebben mütt. Ik harr mi ok so na un na dree wunnerbore Phalaenopsis toleggt. De en weer besünners smuck. Se harr vele düsterlila lütte Blöten un stünn in de Meern vun de annern Orchideen up mien Finsterbank. De Blötenpracht wöör vun all mien Besöökers düchtig bewunnert. Nu harr dat Prachtstück aver utblöht. Se kreeg dorna veel niege Bläder. Se müß unbedingt enen gröteren Putt bekamenOrchidee Nr. 3 mit 2 Aflegger in en veel to lütten Pott. -- Klick op to'n Vergröttern!. Alleen heff ik mi dat Ümplanten nich totruut. Se müß ja ok besünnere Eer hebben.

Nu stünn in uns Blatt en dicke Anzeig vun en groot Goorneree: "Wir pflanzen kostenlos Orchideen um!" Also nix as hin. Vörsichtig wöör mien godes Stück inpackt un de Fohrt güng los. In de Goornerree wies man uns den Stand, neem dat Ümplanten vör sik güng. Dor stünnen Fruunslüüd un ok Mannslüüd mit ehr Planten. Achter den Packdisch nehmen junge Fruuns de Orchideen entgegen un planten se in en gröteren Putt. Wi müssen noch töven. Dor nehm mi en vun de Mannslüüd, he stünn neven mi, dat Prachtstück eenfach ut de Hand. He weer in Hoot un Mantel. "Orchideen Nr. 3 ahn Pott. -- Klick op to'n Vergröttern!Geben Sie mal her, das haben wir gleich..." Gau nehm ik em mien Orchidee wedder ut de Hand un sä: "Das machen doch die jungen Frauen!" "Wollen sie nun, oder wollen sie nicht?", meen dor de Mann wat argerlich.

Hier is noch orrig wat dran an Nummer 2. -- Klick op to'n Vergröttern!

"Wollen Sie das Umtopfen vornehmen?" fraag dor een vun de Fruuns achter den Packdisch den Mann mit den grönen Lodenmantel. Dor kreeg ik eerst mit, dat de Mann neven mi de Chef vun de Goorneree weer. Oh, dor harr ik mi meist mit em vertöörnt. Ik müss nu richtig beddeln, dat hOrchidee Nr. 1 na dat Ümplanten un Besnieden -- Klick op to'n Vergröttern!e mien Orchidee ümplant. He güng mit mien Plant so ruuch üm, dat ik dat mit de Angst to doon kreeg. En Deel vun de Luftwötteln sneed he eenfach mit en Goornerscheer af. Denn kreeg de Plant niege Eer un enen niegen Putt. Nu kunn ik wedder mit mien Orchidee aftrecken.

Kuum to glöven, aver na en halves Johr harr mien Orchidee wohrhaftig al wedder twee niege Blödenrispen dreven. Se weer wedder dat Prachtstück up mien Finsterbank.



na baven