Dei ESA-Sünnenkieker: Sien Instrumente

Deil 1
van Ludgerd Lüske


Sünnenkieker 1
Instrumente Deil 2

Mit teihn Wätenschkup-Instrumente kann Sünnenkieker dei Sünne studeiern. Et giff twei Instrument-Typen: för Oort- un Fernerkundung. Dei Oort-Erkundungs-Instrumente mätet dei Saoken naohe üm dat Ruumfohrtüg. Dei Instrumente för Fernerkung mätet, wat heel wiet aff van dat Ruumfohrtüg passeiert. Mit beide Daotensätze kann man so ein naueret Bild äöwer dat Wark in dei Korona un in den Sünnenwind kriegen.


Sünnenkieker-Instrumente. Bild-Daoten: ESA-Bilder. Klick op tau'n Vergröttern!


Dei Eigenschapen van dei Sünne. Dat wätet wi al, dei Sünnenkieker will mehr rutkriegen. Bild-Daoten: ESA-Multimedia. Klick op tau'n Vergröttern!

Dei Oort-Erkundungs Instrumente: Dat Magnetometer


Eierste Magnetfeld-Daoten. Bild-Daoten: ESA-Dokumente

Dat Magnetometer MAG mätt dat Magnetfeld üm dat Ruumfohrtüg mit eine hoge Nauigkeit. Dormit will man rutkriegen, wo dat Sünnen-Magnetfeld mit dat heele Sünnensystem tausaome hang un sick mit dei Tied ännert. So kann man begriepen, wo dei Korona heit werd un wo dei Energie in den Sünnenwind wiederdraogen werd.


Dei Wätenschkupler links is heel stolt: Dei Sünnenkieker in Bu


Video-Tipp: ESA-Sünnenmissionen


süh ok: ESA-Artikel
SO-Platt: Ludgerd Lüske
12.3.2020


na baven