Walpurgisnacht bi Vullmaand


De Maand schient op de Hüsen groot;
dor weiht en frische Bries bi Nacht.
Nimm swatt Kledaasch un griesen Hoot,
hüüt warrt di mal wat Nies bibracht:
Wi Hexen un veel Schattenwesen
wüllt över Land un Watten schesen,
bit Qualm di ut de Socken bricht!
Opletzt, dor hebbt wi Brockensicht --
un dor warrt denn vun Hatten swöögt,
mit allens, wat uns Swatten höögt!

Moinmoin, leve plattdüütsche Maten un Frünnen!

Also mit den eersten Mai hüüt weer ja nix los, avers hebbt Se den irren Vullmaand gistern sehn? Dor müss ik doch glatt den Vers baven maken -- un ok op Plattpartu flögen de Hexen!

Ansünsten hett de Oostermaand sien Naam all Ehr maakt, füng he doch nipp un nau mit Oostern an, wat ok uns Passioonsreeg to'n Afsluss bringt. Jutta Lammèr lett sik nich in'n April schicken, un Maat Jan nimmt de Groko op't Koorn. Na Oostern sünd ok endlich uns Frünnen vun de Radioandachten wedder op de Böhn, twee Andachten vun Heinrich Siefer sünd dortokamen. Överhaupt leevt so düt un dat wedder op, wat in'n Winterslaap leeg: Ludgerd Lüske bericht över en niege intressante Mars-Missioon, en Andacht ut Grönau vun Henning Eggers is wedder dorbi, un sogor de Reeg över Steens vun Anke Nissen warrt wiederföhrt mit en Bidrag över den Gips un sien wunnersame Ünneraarten. Natüürlich is uns Bottervagel-Kalenner wedder dorbi, un ok de Maanden-Notizen. Heinz Tiekötter ätzt gegen de Tricks vun de Presse un vun de Politbonzen, un Addi Kahl singt -- ganz na Anwiesen vun Karl-Heinz Sadewasser -- vun sien Kinnertied an't Meer. Un noch veles mehr.

Sogor uns Süstersiet numanto.de, de wirklich lang in'n Winterslaap legen harr, is mit twee niege Gedichten wedder dor. Nu kann ok de Lent kamen! Wenn wi uns wedderleest, is he dor. Wetten?


Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!

Plattdüütsch Künst:

Walpurgisnacht. Vun Willem Busch, överdragen vun Marlou Lessing    (30.4.)
Notizen ut'n Harvstmaand. Fotos un Verse vun Marlou Lessing    (6.4.)


De Welt un Gott:

Kantate -- singt! Vun Karl-Heinz Sadewasser    (29.4.)
Dat kannst mi glöven: Du büst mien Schutzengel! Vun Heinrich Siefer, mit Spraakopnahm    (29.4.)
Andacht ut Grönau: Dör den Katechismus to'n Gloven. Vun Henning Eggers    (29.4.)
Dat kannst mi glöven: Steerndaolers. Vun Heinrich Siefer, mit Spraakopnahm    (24.4.)
Mien Kinnertied an't Meer. Vun Addi Kahl, mit Musik-Opnahm    (22.4.)
Dat A un dat O. Vun Marlou Lessing    (15.4.)
Dei gläserne Minsch un wi. Vun Günter Weber    (15.4.)
De Wööst bleuht. Vun Rudi Witzke    (6.4.)
Na Oostern. Vun Karl-H. Sadewasser    (5.4.)
Passion: Oostern. Vun Gertrud Everding    (1.4.)


Natuur un Wetenschap:

Steens: Alabaster, Selenit, Wüstenroos -- allens Gips! Vun Anke Nissen    (29.4.)
Mars in Sicht: InSicht- (InSight-)Mission 2018. Vun Ludgerd Lüske    (8.4.)
Bottervagel vun'n Maand: De Kohlwittling    (5.4.)

In't aktuelle Natuurnotizbook:

    Wokeen kennt düt Insekt? Vun Thomas Seemann    (29.4.)
    Griese Reiher op Jagd. Vun Thomas Seemann    (22.4.)


Wat in de Welt vörgeiht:

Vergeten! Vun Heinz Tiekötter    (29.4.)
De Trickser vun de Presse. Vun Heinz Tiekötter    (15.4.)
Maat Jan: Op- un Afbruch. Vun Maat Jan    (1.4.)

In Jutta Lammèrs Blog Oogenblick mol:

    Keen optletzt lacht...    (1.4.)

...un twee niege Indrääg in Marlous plattdüütsch Notizbook.


Bidrääg mit Spraakopnahmen:

Du büst mien Schutzengel! Vun Heinrich Siefer
Steerndaolers. Vun Heinrich Siefer
Mien Kinnertied an't Meer. Vun Addi Kahl

 


Hartlich grööt

Marlou Lessing un dat lütte Plattpartu-Team