Football-WM

Wenn överall de Lü in't Lande beedt,
dat Gott den Sieg ehr Football-Bande leet,
höpt, dat se Tore för ehr Lande scheten,
dat se ehr Völker nich in Schande leten,
wenn Fans Gesänge, Leder un so'n Kram dicht'
wenn Maradona weent un Amidam kriggt,
bemaalte Minschen sik ümarmt un swöögt,
bi't "public viewing" Massen swarmt un öögt,
wenn all vun Sleswig bit Bad Schussenried
luud flöökt: "Uns Jungs buut bi de Russen Schiet!",
wenn Neuer dat nich schafft, den Ball to fangen,
wenn du ok anfangst, vör den Fall to bangen,
denn will ik enen goden Raat di laten:
Keep cool! Denn wat is denn? -- Ik laat di raten:
Denn is WM!

Moinmoin, leve plattdüütsche Maten un Frünnen!

Mien Moder hett mi mal vertellt, wo dat weer, as Heinrich Lübke noch Bundspräsident weer. "Och Gott, he weer ja 'n goden Minschen, avers ok so schrecklich tumpig, jümmer weer dat en Angstpartie, de ganze Republik weer an't Dibbern, dat he sik bloots nich wedder blameern dä. Wat hebbt wi uns schaneert! As he endlich weg weer, dat weer en Erlösen." Süh, un liek so is dat mit uns Football-Jungs. Nu se weg sünd, köönt wi in Roh un sünner Bangen un Schaneern goden Football kieken. Frankriek un Uruguay hebbt doch hüüt herrlich speelt! Un mehr gode Partien warrt ja wiss noch kamen.

Ok in'n Juni hebbt wi wedder fienstes un aktuellstes Plattdüütsch op Plattpartu rutbröcht; nich ganz so veel -- is Sommer un Football-WM --, avers wedder handverlesen Leckerbeten. Uns Frünnen vun dat Natuur-Flack hebbt dütmaal sogor de jümmers flietigen Kollegen vun De Welt un Gott den Rang aflopen. (Nee, dat is keen Wettstried bi uns!) Dat liggt natüürlich an de sommerliche Natuur sülvst -- Antje Heßler wiest uns de söten Möwenküken vör, Katja Renfert wiest uns ehrn Natuurgoorn in de Grootstadt un hett sogor en Austernfischer faatkregen, un bi Thomas Seemann fleegt de Wildimmen --, avers ok an de spannen aktuellen Saken in de Ruumfohrt, de Ludgerd Lüske för uns optekent un riek bebillert: Alexander Gerst is de Kimmen-Missionar un dockt an de ISS an. Un de grote Mars-Mission Neiwind hett würklich organische Materie op den Mars funnen! Un natüürlich flüggt uns Bottervagel vun'n Maand, dütmaal dat geheimnisvulle Wooldbrettspeel.

Op De Welt un Gott hett ünnerdess Heinrich Siefer wunnerbor poetische Radioandachten to Biller vun Vincent van Gogh schreven -- all sünd mit Spraakopnahm. De Dürre in'n Mai/Juni hett mi to en Nadenken anstift, un Karl-Heinz Sadewasser schrifft heel aktuelle Wohrheiten över de Gastfründschap. De politische Aktualität nimmt ok Ludgerd Lüske mit sien Bidrag över de Gotteskrieger vun Bayern op't Koorn, un Claus Günther tekent schonungslos de Realität in mennig Dörpen op't Land. Woans een Donald Trump stünnenwies meden kann, weet Heinz Tiekötter. Addi Kahl dicht' en wunnerbor Leed op de Mudderleev na en bekannte Melodie. Un mit Jutta Lammèr kann een sik ok mal högen...

Ik wünsch Se en wunnerschöne Sommertied!


Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!

Plattdüütsch Künst:

Wat kann denn wichtiger sien? Leed vun Addi Kahl    (24.6.)
Notizen ut'n Nevelmaand. Fotos un Verse vun Marlou    (3.6.)


De Welt un Gott:

Vun de Gastfründschap. Vun Karl-Heinz Sadewasser    (24.6.)
Dat kannst mi glöven: De Stein mit den Fisk. Vun Alexander Rolfes, mit Spraakopnahm    (24.6.)
Swattloh-Kaninken. Vun Heinz Tiekötter    (17.6.)
Dat kannst mi glöven: Vincent van Gogh: En Heven vull Steerns. Vun Heinrich Siefer, mit Spraakopnahm    (17.6.)
Nadenken över Dürre. Vun Marlou Lessing    (10.6.)
Dat kannst mi glöven: Vincent van Gogh: Steerns an'n Heven över de Rhône. Vun Heinrich Siefer, mit Spraakopnahm    (10.6.)
Dat kannst mi glöven: Vincent van Gogh: De Karken van Auvers. Vun Heinrich Siefer, mit Spraakopnahm    (3.6.)


Natuur un Wetenschap:

De Möwenkinner sünd dor! Vun Antje Heßler    (26.6.)
Neiwind finnt urollet orgaonischket Materiaol up den Mars. Vun Ludgerd Lüske    (21.6.)
Dat Wildimmen-Hotel. Vun Thomas Seemann    (17.6.)
Austernfischer in Hamborg! Vun Katja Renfert    (12.6.)
Horizons-Mission: Alexander Gerst up den Weg nao de ISS. Vun Ludgerd Lüske    (10.6.)
Bottervageljohr 2018: Bottervagel för'n Junimaand: Dat Wooldbrettspeel. Vun Thomas Seemann un Marlou Lessing    (4.6.)
Horizons-Mission: Alexander Gerst flügg nao de ISS. Vun Ludgerd Lüske    (4.6.)
Natuur in Hamborg. Vun Katja Renfert    (3.6.)

In't aktuelle Natuurnotizbook:

    Sünnenbad vun de Amseln. Vun Antje Heßler    (19.6.)
    De Reiherbande. Vun Marlou Lessing    (17.6.)
    Avendspazeergang mit Reiher. Vun Antje Heßler    (4.6.)


Wat in de Welt vörgeiht:

Mann in't Ohr. Vun Heinz Tiekötter    (17.6.)
Besöök in't Dörp. Vun Claus Günther    (10.6.)
Dei Gotteskrieger van Bayern. Vun Ludgerd Lüske    (4.6.)

In Jutta Lammèrs Blog "Oogenblick mol":

    Naverschapshölp    (30.6.)

...un twee niege Indrääg in Marlous plattdüütsch Notizbook.


Niege Spraakopnahmen:

De Stein mit den Fisk. Vun Alexander Rolfes    (24.6.)
Vincent van Gogh: En Heven vull Steerns. Vun Heinrich Siefer    (17.6.)
Vincent van Gogh: Steerns an'n Heven över de Rhône. Vun Heinrich Siefer    (10.6.)
Vincent van Gogh: De Karken van Auvers. Vun Heinrich Siefer    (3.6.)

 


Hartlich grööt

Marlou Lessing un dat lütte Plattpartu-Team