100 Lüe

Plattdüütsch van Ludgerd Lüske

We’m dat heele Minschkenvolk up dei Welt up ein Dörp mit 100 Lüe runnertellen dö un dorbie den Andeil van alle up dei Eern vörkaomen Völker so laoten dö, denn geev et in dit Dörp:

• 57 Asiaoten
• 21 Europäer
• 14 Amerikaoners (Nord-, Zentraol- un Südamerikaoners)
• 8 Aofrikaoners

Et geev

• 52 Fraulüe un 48 Kerlse,
• 30 Witte un 70 nich Witte,
• 30 Christen un 70 Nichchristen,
• 89 Heterosexuelle un 11 Homosexuelle.

6 Lüe harrn 59% van dat heele Geld un Gaut un alle 6 köömen ut dei USA.

• 80 waohnden in klatterige Hüüser,
• 70 kunnden nich läsen of schrieven.
• 50 harrn tau minne tau’n Äten.
• 1 dö jüst starven,
• 1 wörd jüst born.
• 1 harr’n Computer,
• 1 (woahrhaft blots ein’n) wörd up 'ne Universität utbillt.

Noot-Sellschap? Foto: LaNicoya, Amy Lopez/Wikimedia Commons

We’m dei heele Welt up disse Oart bekieken deit, strävt ein’n nao Akzeptanz un Verstaohn. Du schu’s dor uk äöver naodenken: Wenn Du vanmorgen upstaohn büs un mehr gesund as krank wörs, harrs Du ein bäteret Los trocken als dei Millionen Minschken, dei dei taukaomen Wäken nich mehr beläven käönt. Wenn Du maläve noch nich in dei Gefoahr van eine Schlacht, van eine heel einsaome Gefangenschkup, van ein an’t Läben gaohn Foltern of in’n Hunger-Schruuvstock wörs, denn hes Du dat bäter as 500 Millionen Minschken. Wenn Du nao Karken gaohn kanns, aohne Bange, dat Di ein’n wat andaun will of dat Du dood kumms, denn hes Du mehr Glück as 3 Milliarden Minschken.

Wenn Du Äten in’t Keuhlschapp, Kleeder an’t Liev, ein Dack äöver Di un eine Stäe tau’n Schlaopen hes, denn büs du rieker as 75% van dei Minschken up disse Eern. Wenn Du Geld up dei Bank, in diene Knippen un in’t Spoarschwien hes, denn hörs Du tau dei best stellten 8% up disse Welt. Wenn Diene Öllern ümmer noch läben daut un ümmer noch befreit sünd, büs Du woahrhaft eine Besünnerheit.

Överfluss-Sellschap?

Wenn Du disse Naoricht kriegen deis, büs Du würklik dubbelt sägent: Eiers, wiel Du ein Computer hes, un tau’n tweiden, wiel Du nich tau dei Milliarden hörs, dei nich läsen käönt.

Arbeite, as harrs Du dat Geld nich nödig.
Läve, as harr Di melläve kienein‘n wat andaon.
Danz, as wenn kienein’n taukieken deit.
Sing, as wenn kienein’n up Di lustern deit.

Läve, as geev‘t dat Paradies up dei Eern.