Flüchten in uns Daag

vun Rudi Witzke


Achter de Binsen dükert de Aant, danzen un sirren de Müggen
över dat to Rauh kamen Wader.
Dor weer de Welt noch heel.

Dor sprütt Wader, Wellen kringeln. Dat kunn en Heekt up Jagd sien.
De lütt Sülverfisch is flinker.
Dor weer de Welt noch heel.

Vun gor nich so wiet Plantschen. De Jungs ut't Dörp an ehr Baadsteed.
An't Över up de Wisch de Deerns, de sik noch nich truun.

Hüüt rönnen un stolpern se un slaan lang hen up de Spoor vun de Iesenbahn.
Achter jüm de "Staatshäuder", mit Knüppel un Scheitgewehr.

De Welt is nich miehr heel. Se aankt un stöhnt.
Se blööd, blootroot de See.

En Welt is up de Flucht vör sik sülven.


Foto See: Richard Palmer/Wikimedia Commons
Foto Flüchtlinge: Gémes Sándor/SzomSzed


13.9.2015


na baven